وسى اپتادا جاھاندىق قارجى نارىعى اقش پرەزيدەنتى دونالد ترامپتىڭ كونگرەسس الدىنداعى ءسوزىن كۇتىپ وتىر. سەيسەنبى كۇنگى شارادا اق ءۇي باسشىسى سالىق رەفورماسى مەن ەكونوميكانى قايتا رەتتەۋ جانە ينفراقۇرىلىمدىق جوبالارعا توقتالماق, دەپ جازادى investing باسىلىمى.
ترامپ وسى جولى سالىق رەفورماسىنداعى ءبىر وزگەرىس رەتىندە سىرتتان كەلەتىن يمپورتتىق تاۋارلارعا باج سالىعىن 20 پايىزعا ارتتىرۋى مۇمكىن دەگەندى ايتادى ساراپشىلار.
سونىمەن قاتار, مەديتسينالىق جوبالار مەن ينفراقۇرىلىمدىق جۇمىستاردىڭ ەندىگى باعىتى وسى جولى بەلگىلى بولماق.
وسى اپتا سونىمەن قاتار اقش فەدەرالدى رەزەرۆ جۇيەسىنىڭ بىرنەشە شتاتتاعى وكىلدىكتەرىنىڭ باسشىلارى دا حالىق الدىنا شىعادى. سونىڭ ىشىندە جۇما كۇنى جۇيە باسشىسى دجاننەت يەللەننىڭ ءسوزى ماڭىزدى بولماق. ينۆەستورلار وسى جولى يەللەن دوللاردىڭ بازالىق مولشەرلەمەسىنىڭ كوتەرىلەر-كوتەرىلمەسى تۋرالى ايتۋى مۇمكىن ەكەنىن ايتادى.
مامانداردىڭ ايتۋىنشا, ناۋرىزدا مولشەرلەمەنىڭ كوبەيتىلۋى نەعايبىل, ال مامىردا كوبەيتىلۋى ابدەن مۇمكىن.
بۇلاردان بولەك, وسى اپتادا ۇلىبريتانيا مەن ەو ەلدەرىنىڭ قارجى نارىعىنىڭ وتكەن جىلدىڭ ءتورتىنشى توقسانىنداعى قورىتىندىسى جاريالانادى.