قازاقستاندىقتاردىڭ ەلەكتروندى كوممەرتسياداعى بەلسەندىلىگى ارتىپ كەلەدى. 2016 جىلى ينتەرنەت ارقىلى تاۋار مەن قىزمەتتى تولەۋ ءۇشىن 33 ملن ترانزاكتسيا جاسالعان. بۇل 2015 جىلعى كورسەتكىشپەن سالىستىرعاندا 2 ەسەگە كوپ, دەپ جازادى ranking.kz.
ينتەرنەت رەسۋرستار ارقىلى قولما-قول ەمەس تولەمنىڭ جالپى سوماسى 2016 جىلى 307 ملرد تەڭگەنى قۇرادى. بۇل ءبىر جىل بۇرىنعى كورسەتكىشتەن 3,4 ەسە كوپ.
2016 جىلدىڭ قاڭتار-قاراشا ايلارىندا ينتەرنەت رەسۋرستارى اقرىلى تولەم جاساۋدىڭ اي سايىنعى ءوسىم قارقىنى 9,9 پايىزدى قۇراپ, جەلتوقساندا جاڭا جىلعا دايىندىق ماۋسىمىندا 42,5 پايىزعا جەتتى.
جالپى, ەلدە قولما-قول ەمەس تولەم جاساۋ ارتىپ كەلەدى. 2016 جىلى قولما-قول ەمەس تولەمنىڭ جالپى سوماسى 1,32 ترلن تەڭگەنى قۇرادى. ءبىر جىلدا بۇل كورسەتكىش 59 پايىز ارتقان.