قوستانايلىق «سارىارقااۆتوونەركاسىپ» كاسىپورنى 22 ناۋرىزدان باستاپ Ravon Nexia R3 كولىگىن شىعارا باستايدى.
بۇل تۋرالى تاشكەنتتە وتكەن قازاقستان مەن وزبەكستاننىڭ ۇكىمەتارالىق ەكىجاقتى كوميسسياسىنىڭ 16-شى وتىرىسىندا AllurGroup پرەزيدەنتى اندرەي لاۆرەنتەۆ مالىمدەدى. ونىڭ ايتۋىنشا, وسى جوبا بويىنشا GM Korea كومپانياسىمەن ليتسەنزيالىق كەلىسىمگە قول قويىلماق.
بۇگىندە Ravon Nexia R3 كولىگى قازاقستاندا ەڭ كوپ ساتىلعان جاڭا كولىكتەردىڭ ءتىزىمىن باستاپ تۇر. سونىمەن قاتار, قازاقستاندا وندىرىلگەن بۇل كولىكتەرگە جەڭىلدەتىلگەن نەسيە بار.
ءبىرىنشى كەزەڭدە كاسىپورىن جىلىنا 7000 نەكسيا شىعارادى. ال كەيىن كونۆەيەردەن Chevrolet Spark مودەلى دە شىعارىلا باستاماق. ايتا كەتەيىك, 2017 جىلدىڭ قاڭتارىندا ەلدە 124 جاڭا نەكسيا ساتىلعان.