2017 جىلعى 14 اقپاندا رەسەي فەدەراتسياسىنىڭ چەليابينسك قالاسىندا قازاقستان رەسپۋبليكاسى اۋىل شارۋاشىلىعى مينيسترلىگىنىڭ جانە رەسەي فەدەراتسياسى اۋىل شارۋاشىلىعى مينيسترلىگىنىڭ ماماندارىنىڭ قاتىسۋىمەن شەكارالىق ايماقتاردا شەگىرتكە تەكتەس زيانكەستەرمەن جانە باسقا دا اۋىل شارۋاشىلىعى زيانكەستەرىمەن كۇرەسۋ جونىندەگى جىلسايىنعى حالىقارالىق كەڭەس وتكىزىلدى. كەڭەسكە قازاقستان مەن رەسەيدىڭ شەكارالىق ايماقتارىنىڭ باسشىلارى, ماماندارى قاتىستى, دەپ حابارلايدى اۋىل شارۋاشىلىعى مينيسترلىگىنىڭ رەسمي سايتى.
تاراپتار 2016 جىلى جۇرگىزىلگەن ءىس-شارالار, شەكارالاس اۋماقتارداعى شەگىرتكە تەكتەس زيانكەستەردىڭ دامۋى مەن تارالۋىنىڭ جاي كۇيى, ەكى تاراپتاعى شەگىرتكە تەكتەس جانە باسقا دا اۋىل شارۋاشىلىعى زيانكەستەرىمەن جانە اۋرۋلارىمەن كۇرەسۋ جونىندەگى ءىس-شارالار تۋرالى اقپاراتتارمەن الماسىتى. وسى باعىتتاعى ءوزارا ءىس-قيمىل مەن كەلەشەكتەگى ىنتىماقتاستىق ماسەلەلەرى تالقىلاندى.
2016 جىلى شەگىرتكە تەكتەس زيانكەستەرگە قارسى بىرلەسىپ جۇرگىزىلگەن ءىس-شارالاردىڭ قورىتىندىسىندا اۋىل شارۋاشىلىعى داقىلدارى ەگىستىكتەرىنىڭ زاقىمدانۋىنىڭ, سونداي-اق ولاردىڭ كورشىلەس مەملەكەتتەردىڭ شەكارالاس اۋماعىنا ۇشىپ-قونۋىنىڭ بولماعانى اتالىپ ءوتىلدى.
ەكى مەملەكەتتىڭ شەكارالاس اۋماقتارىندا تەكسەرۋلەر جۇرگىزۋ ءۇشىن شەكارالاس ايماقتاردىڭ بىرلەسكەن جۇمىس توبىن قۇرۋ ماقۇلداندى.
جوعارىدا اتالعان ءىس-شارالار اياقتالعاننان كەيىن قازاقستان رەسپۋبليكاسى اۋىل شارۋاشىلىعى مينيسترلىگى جانە رەسەي فەدەراتسياسى اۋىل شارۋاشىلىعى مينيسترلىگى اراسىندا 2017 جىلى رەسەي فەدەراتسياسى جانە قازاقستان رەسپۋبليكاسىنىڭ شەكارالاس اۋماقتارىندا شەگىرتكە تەكتەس زيانكەستەردىڭ تارالۋىنا جول بەرمەۋ جونىندەگى بىرلەسكەن ءىس-شارالار جوسپارىنا قول قويىل