بۇگىن, 22 اقپان كۇنى, استانا ۋاقىتىمەن 19:52-تە برەنت ماركالى مۇناي قۇنى 56,27 دوللارعا تومەندەدى. كەشە وسى ۋاقىتتا قارا التىننىڭ قۇنى ءبىر جىلدىق ماكسيمۋمعا كوتەرىلىپ, 57 دوللاردان اسىپ كەتكەن ەدى.
الايدا, شيكىزاتتىڭ ارزانداۋى تەڭگەنىڭ قۇنىنا كەرى اسەرىن تيگىزگەن جوق. KASE-ءنىڭ كۇندىزگى سەسسياسىنىڭ قورىتىندىسى بويىنشا 1 اقش دوللارى 313,45 تەڭگە بولدى. بۇل كورسەتكىش, تاڭەرتەڭگى رەكوردى جاڭارتىپ, 2015 جىلدىڭ 13 جەلتوقسانىنان بەرگى ەڭ تومەنگى باعام بولىپ تىركەلدى. ەستەرىڭىزگە سالا كەتەيىك, تاڭەرتەڭ دوللاردىڭ تەڭگەگە شاققانداعى باعامى 313,82 تەڭگە بولعان ەدى.
فەدەرالدى رەزەرۆ جۇيەسىنىڭ اقش-تىڭ ءار شتاتىنداعى وكىلدەرىنىڭ وسى اپتا باسىنداعى جاساعان ءباسپاسوز كونفەرەنتسياسىندا الداعى ناۋرىز ايىندا دوللاردىڭ بازالىق مولشەرلەمەسى كوتەرىلۋى مۇمكىن ەكەنى جانە مولشەرلەمەنى كوتەرۋ قازىرگى اقش ەكونوميكاسى ءۇشىن ەڭ ۇتىمدى شەشىم بولاتىنى ايتىلعان. ناتيجەسىندە, بۇگىن اقش دوللارىنىڭ ەۋروعا شاققانداعى باعامى تومەندەپ, دوللار كەزەكتى رەت نىعايا ءتۇستى.