قازاقستاندا تىركەلگەن جەكە كاسىپكەرلىكتەردىڭ (جك) 726 مىڭى اۋىلدا بولسا, 564 مىڭى قالا حالقىنا تيەسىلى. دەگەنمەن, اۋىل حالقىنا مول مولشەردەگى نەسيە كوزدەرى قولجەتىمسىز بولىپ وتىر, دەپ جازادى ranking.kz.
كاسىپكەرلىك بەلسەندىلىكتىڭ دەڭگەيى اۋىلدا قالامەن سالىستىرعاندا اناعۇرلىم جوعارى. 2016 جىلدىڭ قورىتىندىسى بويىنشا, قر قالالارىندا ەڭبەك رەسۋرسى قۇرىلىمىنداعى 15,4 پايىز ازامات قانا ءوزىن ءوزى جۇمىسپەن قامتۋشىلار بولسا, اۋىلداعى بۇل كورسەتكىش 39 پايىزدى قۇرايدى.
سونىمەن قاتار, اۋىلداعى كاسىپكەرلەردىڭ ەڭبەك ونىمدىلىگى دە ارتىپ كەلەدى. اتاپ ايتار بولساق, اۋىل حالقىنىڭ ءوزىن ءوزى جۇمىسپەن قامتۋشى ازاماتتاردىڭ 52 پايىزى جەكە كاسىپكەر. سالىستىرۋ ءۇشىن ايتا كەتەيىك, 2013 جىلى بۇل كورسەتكىش 35 پايىزدى قۇراعان ەدى.
"اۋىل حالقىنىڭ كاسىپكەرلىككە دەگەن ىنتاسىنىڭ جوعارىلىعىنا قاراماستان, بانكتەر قالالىق جەردەگى ازاماتتارمەن كوبىرەك جۇمىس ىستەگەندى ءجون كورەدى. اۋىل كاسىپكەرلەرى ءۇشىن ارنايى نەسيە ءتۇرىنىڭ جوقتىعى دا اۋىل بيزنەسىنىڭ نەسيە الۋىنا كەدەرگىسىن كەلتىرۋدە", - دەپ جازادى باسىلىم.
اۋىل كاسىپكەرلەرىنىڭ نەسيە الۋىنا مۇمكىندىك بەرەتىن جالعىز باعدارلاما - شاعىن نەسيەلەندىرۋ عانا. ايتا كەتەيىك, "جاڭعىرۋ 3.0" جولداۋىنان كەيىن نەسيەنىڭ بۇل ءتۇرىنىڭ ەڭ جوعارعى شەگى 16 ملن تەڭگەگە دەيىن ءوسىرىلدى.
قازىرگى تاڭدا اۋىل بيزنەسىن نەسيەلەندىرۋدە ەڭ ءىرى قاتىسۋشى KMF. ونىڭ اۋىل بيزنەسىنە بەرگەن نەسيە پورتفەلى 32,7 ملرد تەڭگە شاماسىندا. جالپى, بۇل اۋىل كاسىپكەرلەرىنە بەرىلگەن نەسيەنىڭ 65 پايىزى.