الماتى وبلىسىندا بيىلعى جىلى 78 مىڭنان استام گەكتار جەرگە جۇگەرى ەگىلىپ, 507 مىڭ توننا ءونىم جيناۋ جوسپارلانعان.
جالپى جۇگەرى القابى وبلىستا سوڭعى ءۇش جىلدا 9 مىڭ گەكتارعا ۇلعايتىلعان. بۇل تۋرالى ءوزىنىڭ ەسەپتى جيىنىندا وبلىس اكىمى اماندىق باتالوۆ ايتتى, دەپ حابارلايدى قازاقپارات.
بايانداماداعى مالىمەتتەرگە سۇيەنسەك, وبلىستاعى ەكىنشى كراحمال-سىرنە زاۋىتى قاراساي اۋدانىندا ورنالاسقان «ازيااگروفۋد» اق-نا جاڭعىرتىلۋ جۇمىستارى جۇرگىزىلەدى. بۇل ءوز كەزەگىندە جۇگەرى وڭدەۋ دەڭگەيىن 45-تەن 60 % -كە جەتكىزۋگە مۇمكىندىك بەرەدى. سونىمەن قاتار قوسىمشا تاعى 2 قىرمان سالىنادى دەپ كوزدەلۋدە.