وسى جىلدىڭ شىلدە ايىنان باستاپ «پاۆلودار» ارنايى ەكونوميكالىق ايماعىندا قوسپالى اليۋميني ءوندىرىسى ىسكە قوسىلادى, دەپ حابارلادى وبلىس اكىمدىگىنىڭ ءباسپاسوز قىزمەتى.
كومپانيا وكىلدەرى جەرگىلىكتى اتقارۋشى ورگاندارمەن دە, «پاۆلودار» اەا-نىڭ باسشىلىعىمەن دە بەلسەندى قارىم-قاتىناس ورناتۋدا.
الايدا, تسەح جۇمىسىنا قاجەتتى شەت ەلدىك قۇرال-جابدىقتاردى ەلگە اكەلۋمەن قيىنشىلىقتار تۋىنداپ جاتىر.
جوبالاۋ-سمەتالىق قۇجاتتارى دايىن بولمايىنشا, جابدىقتاردى ورناتۋ مۇمكىن ەمەس. كومپانيا باسشىلىعى بولسا, ءوندىرىس ىسكە اسىرىلاتىن كەزدە بارلىق قۇجاتتار دايىن بولادى دەپ ۋادە بەرىپ وتىر.