21 اقپان كۇنى قىزىلوردا وبلىسىنىڭ اكىمى قىرىمبەك كوشەرباەۆ سىر ەلىنە جۇمىس ساپارىمەن كەلگەن ەڭبەك ەرلەرى- «ۇلتتىق عىلىمي كارديوحيرۋرگيالىق ورتالىعى» اق ديرەكتورى يۋري پيامەن جانە «ۇلتتىق نەيروحيرۋرگيا ورتالىعى» اق باسقارما توراعاسى سەرىك اقشولاقوۆپەن كەزدەستى.
- ءبىزدىڭ وبلىسىمىزدا دەنساۋلىق ساقتاۋ سالاسىن دامىتۋ ءۇشىن اۋقىمدى جۇمىستار اتقارىلۋدا. وتكەن جىلى قابىلدانعان مەملەكەتتىك «دەنساۋلىق» باعدارلاماسى اياسىندا 28 ينديكاتورلى كورسەتكىشكە قول جەتكىزۋ ماقساتىندا ايماقتىق جوسپار دايىندالدى. 2016 جىلى ءبىز ورتاشا ءومىر ءسۇرۋ ۇزاقتىعىن 72 جاسقا ۇزارتۋدى ماقسات ەتىپ, ول كورسەتكىشكە قول جەتكىزدىك,- دەدى ق.كوشەرباەۆ.
سىر ەلىنە ساپارلاپ كەلگەن ەڭبەك ەرلەرىنە كۇرىشتەن جاسالعان ءوز پورترەتتەرى ەستەلىككە سىيعا تارتىلدى. كارتينا اۆتورى – سۋرەتشى قايىربەك زاكىروۆ.
سونداي-اق, يۋ.پيا مەن س.اقشولاقوۆ جەرگىلىكتى كارديوحيرۋرگتارمەن كەزدەسىپ, وبلىستىق مەديتسينا ورتالىعىندا شەبەرلىك ساباقتارىن وتكىزدى جانە مىندەتتى الەۋمەتتىك مەديتسينالىق ساقتاندىرۋ ماسەلەلەرىنە ارنالعان جيىنعا قاتىستى.
22 اقپان كۇنى مارتەبەلى مەيماندار وبلىستىق مەديتسينالىق ورتالىقتىڭ بايقوڭىر قالاسىنداعى فيليالىنا, عارىشكەرلەر مۇراجايى مەن قورقىت اتا مەموريالدىق كەشەنىنە بارىپ, «سويۋز مس» عارىش كەمەسىنىڭ ۇشۋ ءساتىن تاماشالايدى. سونداي-اق, ىىى- ينتەرناتسيونال اۋىلىنىڭ تۇرعىندارىمەن كەزدەسۋى جوسپارلانعان