جاپونيانىڭ ساپپورو قالاسىندا ءوتىپ جاتقان VIII قىسقى ازيا ويىندارىندا قازاقستان قورجىنىنا كەزەكتى قولا جۇلدە ءتۇستى.
ترامپليننەن سەكىرۋدەن 254.0 ناتيجە كورسەتكەن كۇنشىعىس ەلىنىڭ سپورتشىسى يۋكيا ساتو التىن مەدالعا قول جەتكىزسە, كۇمىس ونىڭ وتانداسى يۋكەن يۆاساعا (251.0) بۇيىردى. ال قولانى وتانداسىمىز سەرگەي تكاچەنكو (238.0) الدى.
سونىمەن قاتار, ەل اتىنان سىنعا تۇسكەن مارات جاپپاروۆ (198.5) جەتىنشى ورىنعا ورنالاسسا, سابىرجان ءمۇمىنوۆ پەن كونستانتين سوكولەنكو (178.5) جارىستى توعىزىنشى بولىپ اياقتادى.
ايتا كەتەيىك, ەل قورجىنىندا وسىمەن 5 مەدال بار: بىر التىن, ەكى كۇمىس, ەكى قولا.