ەلوردادا استانا قالاسىنىڭ اكىمى اسەت يسەكەشەۆتىڭ تاپسىرماسىمەن پوليتسيا قىزمەتكەرلەرى ءتۇستى جانە قارا مەتالل (كابەل, ليۋك قاقپاقتارى) ۇرلاۋدىڭ الدىن الۋعا باعىتتالعان جەدەل الدىن الۋ ءىس-شاراسىن وتكىزۋدە, دەپ حابارلادى استانا اكىمى اپپاراتىنىڭ ءباسپاسوز قىزمەتى.
استانا قالاسىنىڭ كاسىپكەرلىك جانە ونەركاسىپ باسقارماسىنىڭ مالىمەتىنشە, استانادا ءتۇستى جانە قارا مەتالل قابىلدايتىن 93 پۋنكت جۇمىس ىستەيدى, سونىڭ ىشىندە 18-ءىنىڭ ليتسەنزياسى بولسا, 75 پۋنكتتىڭ ءتيىستى قۇجاتتارى جوق.
استانا قالاسى ءىىد-ءنىڭ حابارلاۋىنشا, جەدەل الدىن الۋ ءىس-شاراسى بارىسىندا مەتالل قابىلدايتىن 55 پۋنكت تەكسەرىلىپ, قوسىمشا 8 پۋنكت انىقتالدى. اتالعان پۋنكتتەر تىركەلمەگەن جانە مەتالل قابىلداۋعا رۇقسات قۇجاتتارى جوق. شارا بارىسىندا ءتۇرلى بۇزۋشىلىقتار ءۇشىن 28 ادام اكىمشىلىك جاۋاپكەرشىلىككە تارتىلدى. ءتۇستى جانە قارا مەتالل ۇرلاۋدىڭ 5 دەرەگى تىركەلىپ, ايىپتىلار ۇستالدى. تەرگەۋ جۇرگىزىلۋدە.