قاسيەتتى قاعبا مەن ءماسجىد ءال-حارام مەشىتى بەينەلەنگەن ماكەت «قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى» مەملەكەتتىك مەكەمەسىنىڭ ينتەراكتيۆتى ءبىلىم بەرۋ ورتالىعىندا تۇر. اسا قۇندى جادىگەر التىن, كۇمىس, گرانيت جانە ءمارمار مەتالداردان جاسالعان. ونى پرەزيدەنت ن.نازارباەۆتىڭ ساۋد ارابياسىنا 1994 جىلى العاشقى رەسمي ساپارى كەزىندە ساۋد ارابياسىنىڭ كورولى فاحد بين ابدەل ءازيز ءال ساۋد سىيلاعان. وسىدان جيىرما جىل بۇرىنعى دەرەكتەر اراب كورولىمەن جوسپارلانعان جارتى ساعاتتىق كەزدەسۋدىڭ ەكى ساعاتقا ۇلاسقانىن, پرەزيدەنت ن.نازارباەۆتىڭ قاعبانىڭ ىشىنە كىرۋ قۇرمەتىنە يە بولعانىن مالىمدەيدى. ەلباسى سول ساپاردا مەدينەدە دە بولىپ, مۇحاممەد پايعامبار (س.ع.س) جەرلەنگەن زيراتقا كىرگەن. سول كەزدە كوپتەن كۇتكەن جاۋىن جاۋىپ, مۇنى جۇرتشىلىقتىڭ جاقسى ىرىمعا بالاعانىن اقپارات قۇرالدارى تەبىرەنە جازعان بولاتىن.
ايگۇل سەيىلوۆا,
«ەگەمەن قازاقستان»
سۋرەتتى تۇسىرگەن
ورىنباي بالمۇرات