WBO Inter-Continental, WBA Fedelatin تۇجىرىمدارى بويىنشا ءبىرىنشى جارتىلاي ورتا سالماقتا الەم چەمپيونى قانات يسلام 17 اقپان كۇنى كەزەكتى جەكپە-جەگىن وتكىزەدى. بۇل ايقاستى «قازاقستان» ۇلتتىق ارناسى تىكەلەي ەفيردە كورسەتەدى.
«قازاق» دەگەن لاقاپ اتپەن الەمگە تانىلعان بوكسشىمىز اقش-تىڭ نيۋ-دجەرسي شتاتىنداعى نيۋارك قالاسىندا برازيليالىق روبسون اسسيسپەن كۇش سىناسادى. ال ەلىمىزدە بۇل ايقاس 18 اقپان كۇنى 08:00-دەن باستاپ تىكەلەي ەفيردە كورسەتىلەدى.
ايتا كەتەيىك, 2006 جىلى كاسىپقوي بوكسقا كەلگەن روبسون اسسيس بۇگىنگە دەيىن 19 ۇرىس وتكىزىپ, ۇشەۋىندە ەسە جىبەرسە, قالعان 16 جەكپە-جەگىن جەڭىسپەن (9 نوكاۋت) اياقتاعان. ال وتانداسىمىز شارشى الاڭدا بارلىعى 22 كەزدەسۋ وتكىزىپ, بارىندە جەڭىسكە جەتكەن (18 نوكاۋت).