ماڭعىستاۋ وبلىسىنىڭ بەينەۋ اۋدانىندا 2016 جىلى جالپى اۋدانى 67,2 مەتر ۋچاسكەدە 585 جەكەمەنشىك تۇرعىن ءۇي سالىندى, دەپ حابارلادى اۋدان اكىمى باسشى ءازىرحانوۆ حالىققا ەسەپ بەرۋ كەزدەسۋىندە. بۇل تۋرالى strategy2050.kz جازدى.
«جىل ىشىندە جالپى الاڭى 67,2 مىڭ شارشى مەتر بولاتىن 585 جەكەمەنشىك تۇرعىن ءۇي سالىندى. وتكەن جىلى بەينەۋدە ءتورت پاتەرلى 5 كوممۋنالدىق تۇرعىن ءۇي پايدالانۋعا بەرىلسە, 1963 جىلى سالىنعان اپاتتى جاعدايداعى ۇيلەر تولىقتاي جويىلدى. وندا تۇرىپ جاتقان 12 وتباسى تۇگەلدەي تۇرعىن جايمەن قامتاماسىز ەتىلدى», - دەدى اكىم.
بىلتىر بەينەۋدەگى 14 كوشەگە 27,4 كم. تاس جول توسەلىنگەن. سونداي-اق, 56 كوشەگە 113 ملن تەڭگەگە ەلەكتر جەلىسىن جۇرگىزۋ, قۋاتى 50 مۆت. كۇن جانە 50 مۆت. جەل ەلەكتر ستانتسيالارىن سالۋ جوسپارلانىپ وتىر.
«اۋداننىڭ دەموگرافيالىق احۋالى دا جوعارى. وسى جىلدار ىشىندە اۋدانداعى حالىق سانى ءۇش ەسەگە جۋىق ءوسىپ, 66 مىڭعا جەتتى. ءوسىمنىڭ ۇشتەن ءبىرى ەلگە ورالعان قانداستارىمىزدىڭ ەسەبىنەن بولسا, ۇشتەن ەكىسى ىشكى ميگراتسيا مەن تابيعي ءوسىم. 1991 جىلمەن سالىستىرعاندا تۋ 2 ەسە ءوسىپ, سابيلەر شەتىنەۋى 5 ەسە ازايعان», - دەپ ءتۇسىندىردى ول.
بۇدان بولەك, قازىرگى تاڭدا اۋدان حالقىنا قاجەتتى دەڭگەيدە دارىگەرلىك كومەك كورسەتۋگە تولىق مۇمكىندىك بار. بۇگىنگى تاڭدا اۋداندا 32 ماماندىق بويىنشا 112 دارىگەر مەن 415 ارناۋلى ورتا ءبىلىمدى مامان جۇمىس ىستەيدى. اۋدانىمىزدا جاڭادان 5 اۋىلدىق وكرۋگ قۇرىلعان.