2011 جىلعى 24 اقپان, استانا قالاسى
قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋ كۋرستارىن ۇيىمداستىرۋ قاعيداسىن بەكىتۋ تۋرالى
«اۆتوموبيل كولىگى تۋرالى» قازاقستان رەسپۋبليكاسىنىڭ 2003 جىلعى 4 شىلدەدەگى №476-ءىى زاڭى 13-بابىنىڭ 15) تارماقشاسىنا, «قاۋىپتى جۇكتەردى حالىقارالىق جولداردا تاسىمالداۋ تۋرالى ەۋروپالىق كەلىسىمدى قولدانۋ بويىنشا قازاقستان رەسپۋبليكاسىنىڭ قۇزىرەتتى ورگانىن تاعايىنداۋ تۋرالى» قازاقستان رەسپۋبليكاسى ۇكىمەتىنىڭ 2002 جىلعى 14 ماۋسىمداعى №651 قاۋلىسىنا سايكەس جانە قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋ كۋرستارىن ۇيىمداستىرۋعا قويىلاتىن بىرىڭعاي تالاپتاردى بەلگىلەۋ ماقساتىندا بۇيىرامىن:
1. قوسا بەرىلىپ وتىرعان قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋ كۋرستارىن ۇيىمداستىرۋ قاعيداسى بەكىتىلسىن.
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ كولىكتىك باقىلاۋ كوميتەتى ء(ا.ن.بارمانقۇلوۆ) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋ ءۇشىن ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ە.س.دۇيسەنباەۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
مينيستر ءا.قۇسايىنوۆ.
قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2011 جىلعى 24 اقپان №88 بۇيرىعىمەن بەكىتىلدى
قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋ كۋرستارىن ۇيىمداستىرۋ قاعيداسى
1. جالپى ەرەجەلەر
1. وسى قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋ كۋرستارىن ۇيىمداستىرۋ قاعيداسى (بۇدان ءارى – قاعيدا) «اۆتوموبيل كولىگى تۋرالى» قازاقستان رەسپۋبليكاسىنىڭ 2006 جىلعى 4 شىلدەدەگى №476-ءىى زاڭىنا, «قاۋىپتى جۇكتەردى حالىقارالىق جولداردا تاسىمالداۋ تۋرالى ەۋروپالىق كەلىسىمدى قولدانۋ بويىنشا قازاقستان رەسپۋبليكاسىنىڭ قۇزىرلى ورگانىن تاعايىنداۋ تۋرالى» قازاقستان رەسپۋبليكاسى ۇكىمەتىنىڭ 2002 جىلعى 14 ماۋسىمداعى №651 قاۋلىسىنا سايكەس ازىرلەندى جانە قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋ كۋرستارىن ۇيىمداستىرۋ ءتارتىبىن بەلگىلەيدى.
2. قاعيدا قاۋىپتى جۇكتەردى تاسىمالداۋدى ءجۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋعا قاتىستى جەكە جانە زاڭدى تۇلعالار قىزمەتىنە قويىلاتىن نەگىزگى تالاپتاردى بەلگىلەيدى جانە ولاردىڭ ۇيىمداستىرۋشىلىق-قۇقىقتىق نىسانىنا جانە مەنشىك نىسانىنا قاراماستان ورىنداۋ ءۇشىن مىندەتتى بولىپ تابىلادى.
3. حالىقارالىق تالاپتارعا جانە قازاقستان رەسپۋبليكاسىنىڭ زاڭناماسىنا سايكەس قاۋىپتى جۇكتەردى تاسىمالدايتىن اۆتوكولىك قۇرالدارىنىڭ جۇرگىزۋشىلەرى قۇزىرەتتى ورگانمەن بەكىتىلگەن كۋرستار تۇرىندە ارنايى دايارلىقتان وتەدى جانە بەلگىلەنگەن ۇلگىدەگى قازاقستان رەسپۋبليكاسىنىڭ اۋماعى بويىنشا قاۋىپتى جۇكتەردى تاسىمالداۋعا رۇقسات بەرۋ تۋرالى كۋالىكتى (بۇدان ءارى – قازاقستاندىق كۋالىك) نەمەسە بەلگىلەنگەن ۇلگىدەگى حالىقارالىق قاتىناستا قاۋىپتى جۇك تاسىمالىن جۇزەگە اسىراتىن كولىك قۇرالدارىنىڭ جۇرگىزۋشىلەرىن دايارلاۋ تۋرالى كۋالىكتى (بۇدان ءارى – دوپوگ – كۋالىك) الادى.
4. وسى قاعيدانىڭ 3-تارماعىندا كورسەتىلگەن كولىك قۇرالدارىنىڭ جۇرگىزۋشىلەرى قازاقستاندىق كۋالىكتى جانە قجحكت رۇقسات-كۋالىگىن الۋ ءۇشىن قازاقستان رەسپۋبليكاسى اۋماعى نەمەسە حالىقارالىق جول قاتىناستارى بويىنشا قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرى ارنايى دايارلىق جانە (نەمەسە) قايتا دايارلىق بازالىق كۋرسىنان (بۇدان ءارى – بازالىق كۋرس) وتەدى.
5. بەكىتىلگەن نەمەسە المالى-سالمالى, سىيىمدىلىعى 1 م³ استام تسيستەرنالارمەن, جالپى سىيىمدىلىعى 1 م³ استام باتەرەيالارمەن, كونتەينەر-تسيستەرنالارمەن, تاسىمال تسيستەرنالارمەن نەمەسە ءبىر كولىك بىرلىگىندە جەكە سىيىمدىلىعى 3 م³ استام كوپەلەمەنتتى گاز كونتەينەرلەرى مەن قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرى قاۋىپتى جۇكتەردى تسيستەرنالارمەن تاسىمالداۋ بويىنشا مامانداندىرىلعان قوسىمشا بازالىق كۋرستاردان وتەدى.
6. كولىك قۇرالدارىنىڭ ەڭ جوعارى رۇقسات ەتىلگەن سالماعىنا قاراماستان, قجحكت بويىنشا 1 كلاستى زاتتاردى نەمەسە بۇيىمداردى (جارىلاتىن زاتتار مەن بۇيىمدار) نەمەسە قجحكت بويىنشا 7 كلاستى راديواكتيۆتى ماتەريالداردى تاسىمالداۋ ءۇشىن جۇرگىزۋشىلەر بازالىق كۋرستارعا قوسىمشا ءتيىستى مامانداندىرىلعان دايارلىق كۋرستارىنان وتەدى.
7. قاۋىپتى جۇكتەردى تاسىمالداۋعا رۇقسات ەتىلگەن جۇرگىزۋشىلەردى ارنايى قايتا دايارلاۋ جانە ءتيىستى ەمتيحانداردان وتكىزۋ كەمىندە ءۇش جىلدا 1 رەت جۇرگىزىلەدى.
8. جۇرگىزۋشىلەردى بازالىق كۋرس باعدارلامالارى بويىنشا دايارلاۋ (قايتا دايارلاۋ) جانە ءجۇرگىزۋشىلەردى مامانداندىرىلعان كۋرستار باعدارلامالارى بويىنشا دايارلاۋ (قايتا دايارلاۋ) كەشەندى نەگىزدە جۇرگىزىلەتىن بارلىعىن قامتيتىن كۋرستار اۋقىمىندا, بەلگىلى ءبىر مەرزىمدەردە جانە بەلگىلى ءبىر وقىتۋ ۇيىمدارىندا جۇرگىزىلۋى مۇمكىن.
2. قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋ كۋرستارىن ۇيىمداستىرۋ ءتارتىبى
9. وسى قاعيدانىڭ 4-6 تارماقتارىندا كورسەتىلگەن قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋ كۋرستارى (بۇدان ءارى – وقىتۋ كۋرستارى) قازاقستان رەسپۋبليكاسى كولىك جانە كوممۋنيكاتسيا مينيسترلىگىنە (بۇدان ءارى – مينيسترلىك) ۇسىنىلعان ۇيىمنىڭ نەمەسە وقىتۋ ورتالىعىنىڭ جازباشا ءوتىنىشى نەگىزىندە قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ بۇيرىعىمەن بەكىتۋگە جاتادى.
وتىنىشتە قانداي كۋرستاردى بەكىتۋ قاجەتتىگى كورسەتىلەدى.
10. وتىنىشكە مىناداي قۇجاتتار تىركەلەدى:
1) جەكە نەمەسە زاڭدى تۇلعانى مەملەكەتتىك تىركەۋ تۋرالى كۋالىكتىڭ نوتاريالدىق كۋالاندىرىلعان كوشىرمەسى, نەمەسە ولاردىڭ كوشىرمەسىن تۋپنۇسقاسىمەن ۇسىنۋى مىندەتتى تۇردە;
2) بازالىق كۋرستاردىڭ جانە (نەمەسە) مامانداندىرىلعان كۋرستاردىڭ ء(وتىنىشتىڭ مازمۇنىنا قاراي) مەملەكەتتىك جانە ورىس تىلدەرىندەگى وقىتىلاتىن تاقىرىپتارى, ساباقتار كولەمى مەن وقىتۋ ادىستەرى كورسەتىلگەن وقۋ-تاقىرىپتىق جوسپارى جانە باعدارلامالارى;
3) ءبىلىمى, ماماندىعى جانە وقىتۋ بەيىنى بويىنشا ەڭبەك ءوتىلى, سونداي-اق ولاردا قجحكت مۇشە-ەلدەرىنىڭ وقىتۋ ۇيىمدارىندا قاۋىپتى جۇكتەردى تاسىمالداۋ بويىنشا ارنايى دايارلىقتان وتكەنى, قاجەتتى ەمتيحاندار تاپسىرعانى تۋرالى كۋالىكتەر نەمەسە سەرتيفيكاتتار بولۋى تۋرالى اقپاراتتار بار وقىتۋشىلار قۇرامى تۋرالى مالىمەتتەر;
4) وقۋ ورتالىعىنىڭ باسشىسى نەمەسە ءادىستەمەلىك كەڭەس بەكىتكەن وقىتۋ ۇدەرىسىندە قولدانىلاتىن قجحكت سايكەس نورماتيۆتىك-تەحنيكالىق قۇجاتتاردىڭ ءتىزىمى;
5) ءورت قاۋىپسىزدىگى نەمەسە ورتكە قارسى قىزمەت سالاسىنداعى ماماندارمەن ءورت قاۋىپسىزدىگى بويىنشا تاقىرىپتىق دارىستەر مەن
پراكتيكالىق ساباقتار وتكىزۋ تۋرالى شارت (ەگەر وسى تاقىرىپتا ساباق بەرەتىن شتاتتىق وقىتۋشىلار بولماعان جاعدايدا);
6) دەنساۋلىق ساقتاۋ سالاسىنداعى ماماندارمەن دارىگەر كەلگەنگە دەيىنگى كومەك كورسەتۋ بويىنشا تاقىرىپتىق دارىستەر مەن پراكتيكالىق ساباقتار وتكىزۋ تۋرالى شارت (ەگەر وسى تاقىرىپتا ساباق بەرەتىن شتاتتىق وقىتۋشىلار بولماعان جاعدايدا);
7) وقۋ سىنىپتارى تۋرالى مالىمەتتەر (سىنىپتار سانى, ءار سىنىپتاعى وتىراتىن ورىن سانى, وقىتۋدىڭ تەحنيكالىق قۇرالدارىمەن, وقۋ جانە كورنەكى قۇرالدارمەن جابدىقتالۋى);
8) كۋرس باعدارلاماسىنا سايكەس وقىتىلاتىن تاقىرىپتار كورسەتىلگەن وقىتۋ دايارلىق جوسپارلارى قاۋىپتى جۇكتەرگە قاتىستى قازاقستان رەسپۋبليكاسى زاڭناماسىنىڭ سوڭعى وزگەرىستەرىن قامتۋ قاجەت.
9) ساباق كەستەلەرى جانە جوسپارلانعان وقىتۋ ادىستەمەسى;
10) وقىتىلاتىنداردىڭ جوبالانعان سانى.
11. ۇسىنعان قۇجاتتاردى مينيسترلىك ءوتىنىشتى العان كۇننەن باستاپ وتىز كۇنتىزبەلىك مەرزىمدە قاراستىرادى. قاجەت بولعان جاعدايدا اۋماقتىق ورگاندارعا وقىتۋ كلاسى ءۇي-جايىنىڭ جانە پراكتيكالىق ساباقتاردى وتكىزۋ ءۇشىن پوليگوننىڭ سايكەستىگى بويىنشا تەكسەرۋ وتكىزۋ ءۇشىن نۇسقاۋ جىبەرەدى (نۇسقاۋدى العاننان كەيىن ءۇش جۇمىس كۇنى ىشىندە اۋماقتىق ورگاننىڭ وكىلى ورنىنا بارۋ ارقىلى).
12. جەرگىلىكتى ورگانىنىڭ وكىلى وقۋ كلاسستارىنىڭ جانە پوليگوننىڭ دايارلىعى تۋرالى تەكسەرىس ناتيجەسى بويىنشا انىقتاما-قورىتىندىنىسىڭ مينيسترلىككە تاپسىرادى:
1) ءاربىر وقۋ سىنىپتارى ناقتى سان وتىرعىزىلاتىن ورىندى جانە ءتيىستى تەحنيكالىق وقىتۋ قۇرالدارىمەن, وقۋلىق جانە كورنەكى قۇرالدارىمەن, پلاكاتتارمەن جانە وقۋ باعدارلامالارى بويىنشا ستەندتەرمەن, نورماتيۆتىك قۇجاتتارمەن جابدىقتالۋ ءتيىس;
2) وقۋ سىنىپتارىنداعى وتىراتىن ورىن سانى توپتا وقىتىلاتىندار سانىنان ارتىق بولۋى جانە وقىتۋشى ورنى بولمەنى شولۋدى قامتاماسىز ەتۋى ءتيىس;
3) وقۋ بازاسى (پوليگون) پراكتيكالىق ساباقتار وتكىزۋ ءۇشىن جابدىقتالۋى جانە توپتا وقىتىلاتىنداردىڭ ەركىن ورنالاسۋىن قامتاماسىز ەتۋى ءتيىس.
13. ءوتىنىش بەرۋشىنىڭ قاۋىپتى جۇكتەردى تاسىمالداۋدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىن ارنايى دايارلاۋ قىزمەتىنىڭ جۇزەگە اسىرۋعا دايارلىعى وڭ باعالانعان جاعدايدا وقۋ كۋرستارى قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ بۇيرىعىمەن بەكىتىلەدى.
14. مينيسترلىك وسى قاعيدانىڭ 10 - تارماعىندا كورسەتىلگەن تالاپتى ورىنداماعان جاعدايدا ءوتىنىش بەرۋشىگە وقىتۋ كۋرستارىن بەكىتۋدەن باس تارتادى جانە شەشىمدى قابىلداعاننان كەيىن ون جۇمىس كۇنى ىشىندە ونى باس تارتۋ سەبەبىن كورسەتە وتىرىپ, جازباشا حابارلايدى.
15. مينيسترلىك, قارجىلىق جانە شارۋاشىلىق قىزمەتىنە قاتىسپاستان, قجحكت تالاپتارىنا سايكەس ءتيىستى وقۋ كۋرستارى جۇرگىزۋشىلەردى ساپالى دايىنداۋعا, ەمتيحان قابىلداۋى مەن وقۋىنا ۇنەمى باقىلاۋدى جۇزەگە اسىرادى.
16. مينيسترلىك وقۋ كۋرستارىنىڭ كۇشىن توقتاتۋ تۋرالى (قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ بۇيرىعىمەن) شەشىمدى مىنانداي جاعدايلاردا قابىلدايدى:
1) وقۋ كۋرستارىنىڭ جۇمىسى توقتالعان سەبەبى كورسەتىلگەن جازباشا ءوتىنىشى نەگىزىندە;
2) وقۋ كۋرستارىنىڭ جۇمىستارىن رەتتەيتىن, وسى قاعيدانىڭ تالاپتارى جانە قجحكت 8.2 – تالاپتارى بۇزىلسا;
3) مينيسترلىككە ۇسىنىلعان ماتەريالدار مەن قۇجاتتاردا جالعان دەرەكتەر بولۋى انىقتالسا;
4) ەگەر وقۋ كۋرستارى سوڭعى وقىپ شىعارىلعان كۇنىنەن باستاپ جىل بويى جۇرگىزىلمەسە;
5) جۇرگىزۋشىلەردى دايارلاۋ ساپاسى قاناعاتتانارلىق ەمەس بولسا (ەمتيحانداردى ويداعىداي تاپسىرعان كۋرس تىڭداۋشىلارىنىڭ سانى 20%-دان كەم بولعان جاعدايدا).
17. وقىتۋ كۋرستارىندا دايارلىق قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ بۇيرىعىمەن بەكىتىلگەن بازالىق جانە ارنايى كۋرستارعا سايكەس جۇرگىزىلەدى.
18. ءاربىر باستاپقى كۋرستىڭ نەمەسە ءبارىن قامتيتىن كۋرستىڭ تەوريالىق بولىگىنىڭ ەڭ تومەنگى ۇزاقتىعى:
1) بازالىق كۋرس بويىنشا - 18 ساباق;
2) تسيستەرنالاردا تاسىمالداۋ بويىنشا مامانداندىرىلعان كۋرستا – 12 ساباق;
3) 1 كلاستى زاتتار مەن بۇيىمدار (جارىلعىش زاتتار مەن بۇيىمدار) تاسىمالداۋ بويىنشا مامانداندىرىلعان كۋرستاردا - 8 ساباق;
4) راديواكتيۆتىك ماتەريالداردى (7 كلاسس) تاسىمالداۋ بويىنشا مامانداندىرىلعان كۋرستاردا – 8 ساباق بولۋى ءتيىس.
19. وسى قاعيدانىڭ 8-تارماعىندا كورسەتىلگەن ءبارىن قامتيتىن كۋرستاردىڭ جالپى ۇزاقتىعى بازالىق كۋرستىڭ جانە تسيستەرنالارمەن تاسىمالداۋ بويىنشا مامانداندىرىلعان كۋرستىڭ ۇزاقتىعىن وزگەرتپەۋى ءتيىس, الايدا ولاردى 1 جانە 7 كلاستار بويىنشا قىسقارتىلعان ماماندادىرىلعان كۋرستارمەن تولىقتىرۋعا بولادى.
20. ءبىر ساباقتىڭ ۇزاقتىعى 45 مينۋتتان كەم بولماۋى ءتيىس. كۇن سايىن 8 ساعاتقا دەيىن ساباق وتكىزۋگە رۇقسات ەتىلەدى.
21. جەكە پراكتيكالىق ساباقتار تەوريالىق دايارلىققا قوسىمشا وتكىزىلۋى جانە كەم دەگەندە ءارتۇرلى جۇكتەر ءۇشىن قاۋىپتىلىك بەلگىلەرى مەن ماركالانۋى, العاشقى كومەك كورسەتۋ, ءورت ءسوندىرۋ جانە وقيعا نەمەسە اۆاريا بولعان جاعدايدا قابىلداناتىن شارالار تاقىرىپتارىن قامتۋى ءتيىس.
22. وقۋ كۋرستارى اياقتالعاننان كەيىن تىڭداۋشىلارعا وتىلگەن تاقىرىپتاردىڭ قىسقاشا مازمۇنى جانە اۆاريالىق جاعدايلارداعى قاۋىپسىزدىك, دارىگەر كەلگەنگە دەيىنگى كومەك جونىندەگى نۇسقاۋلاردى قامتيتىن ماتەريالدار تاراتىلىپ بەرىلۋى ءتيىس.
23. كۋرستار تىڭداۋشىلارىنىڭ ءبىلىم دەڭگەيىن جانە پراكتيكالىق داعدىلارىن انىقتاۋ ماقساتىندا ءتيىستى وقۋ كۋرستارىندا وقىتۋ اياقتالعاننان كەيىن ەمتيحاندار وتكىزىلەدى.
24. مامانداندىرىلعان كۋرستار بويىنشا ەمتيحاندارعا بازالىق كۋرس بويىنشا ەمتيحانداردى تاپسىرعاننان كەيىن رۇقسات الادى.
25. ەمتيحاندار كوميسسيا قۇرامىنا قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ اۋماقتىق ورگانى وكىلىنىڭ كوميسسيا قۇرامىنا مىندەتتى تۇردە قاتىسۋىمەن ءتيىستى وقۋ كۋرسىنىڭ وقىتۋشىلارىنان قۇرىلعان ەمتيحان كوميسسياسىمەن قابىلدانادى.
ەمتيحان كوميسسياسى تاق سانىنان تۇرادى ء(ۇش ادامنان كەم ەمەس).
26. ەمتيحاندار ءتيىستى كۋرستاردا وتكىزىلگەن تاقىرىپتار بويىنشا ەمتيحان كوميسسياسىنىڭ ەمتيحاندىق سۇراقتارىنىڭ جالپى تىزىلىمىنەن ىرىكتەلگەن ەمتيحان سۇراقتارىنان وتكىزىلەدى.
ەمتيحانعا دەيىن كۋرس تىڭداۋشىلارىن ەمتيحان بيلەتتەرىنىڭ سۇراق مازمۇنىمەن تانىستىرمايدى.
27. وسى قاعيدانىڭ 8-تارماعىندا كورسەتىلگەن جالپىلاي قامتيتىن كۋرستاردا بىرىڭعاي ەمتيحان وتكىزىلۋى مۇمكىن.
28. مينيسترلىكتىڭ كولىكتىك باقىلاۋ كوميتەتىنىڭ اۋماقتىق ورگانى ءاربىر وقۋ كۋرسى بويىنشا وتكىزىلەتىن ەمتيحانداردىڭ مەرزىمدەرى مەن وتكىزىلەتىن ورنىن 5 كۇننەن كەم ەمەس ۋاقىتتا الدىن-الا حابارلايدى.
29. ەمتيحاندار نە جازباشا ەمتيحان, نەمەسە جازباشا جانە اۋىزشا بىرىكتىرىلگەن ەمتيحان تۇرىندە نەمەسە تەستىلەۋ جۇرگىزىلەدى.
30. بازالىق كۋرس بويىنشا ەمتيحان وتكىزۋ كەزىندە كۋرستاردىڭ تىڭداۋشىلارىنا 25 سۇراق بەرىلەدى.
31. مامانداندىرىلعان كۋرستار بويىنشا ەمتيحاندار كەزىندە كۋرستاردىڭ تىڭداۋشىلارىنا ءار كۋرس بويىنشا 15 سۇراقتان بەرىلەدى.
32. ەمتيحانداردىڭ ناتيجەلەرى ەمتيحان كوميسسياسىنىڭ حاتتاماسىمەن راسىمدەلەدى, ونىڭ نەگىزىندە ەمتيحانداردى ويداعىداي تاپسىرعان كۋرس تىڭداۋشىلارىنا (ەمتيحاندار سۇراقتارىنا جاۋاپتاردىڭ دۇرىستىعى 75%-دان جوعارى) وقۋ ورتالىقتارى ءتيىستى وقۋ كۋرستارىندا وقىتۋدان ويداعىداي وتكەنى تۋرالى ەمتيحان كوميسسياسىنىڭ توراعاسى قول قويعان انىقتاما بەرەدى.
3. قورىتىندى ەرەجەلەر
33. ءتيىستى وقۋ كۋرستارىندا وقۋدى ءساتتى اياقتاعان جاعدايدا تىڭداۋشىلارعا ەمتيحان كوميسسياسىنىڭ وكىلدەرى جانە وقىتۋ كۋرستارىنىڭ باسشىلارى قول قويعان جانە مورمەن بەكىتىلگەن ءتيىستى كۋالىكتەر بەرىلەدى.
قاۋىپتىلىك كلاسستارىن بەلگىلەۋ باعاندارىندا بەرىلگەن كۋالىكتە وقىتۋ جۇرگىزىلمەگەن كلاستاردى سىزۋ ارقىلى بەلگىلەر سالىنادى.
34. كۋالىكتىڭ مەرزىمى – ءۇش جىل.
35. كۋالىكتىڭ مەرزىمىن ۇزارتۋ كۋالىكتىڭ مەرزىمى وتكەنگە دەيىنگى جىل ىشىندە وتكىزىلگەن ءتيىستى وقۋ كۋرستارى بويىنشا ەمتيحانداردى ويداعىداي تاپسىرۋ (ەمتيحاندار سۇراقتارىنىڭ 70 %-دان استامىنىڭ دۇرىستىعى) نەگىزىندە جۇرگىزىلەدى.
بۇل رەتتە كۋالىككە ونىڭ كۇشى ۇزارتىلعانى تۋرالى جازۋ جازىلىپ, مورمەن بەكىتىلەدى.
36. كۋالىك جوعالعان, ب ۇلىنگەن كەزدە, وقۋ كۋرستارى ارىز بەرىلگەن كۇننەن باستاپ ون جۇمىس كۇنى ىشىندە جوعارعى وڭ بۇرىشىندا «تەلنۇسقا» دەگەن جازۋى بار كۋالىكتىڭ تەلنۇسقاسىن بەرۋدى جۇرگىزەدى.
جوعالعان, ب ۇلىنگەن جازباشا ءوتىنىش بەرگەن كۇننەن باستاپ كۋالىكتەر ء(تيىستى وقۋ كۋرستارىنان وقۋدان وتكەنى تۋرالى انىقتاما قوسىمشاسىندا بولسا) جارامسىز دەپ سانالادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 18 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6828 بولىپ ەنگىزىلدى.