اقش-تاعى بۇرعىلاۋ قۇرىلعىلارىنىڭ كوبەيۋى بۇگىن تاڭەرتەڭگى ساۋدا سەسسياسىندا مۇناي باعاسىن ارزانداتىپ جىبەردى, دەپ جازادى investing.
استانا ۋاقىتىمەن 12.27-دە برەنت ماركالى مۇناي قۇنى 0,11 پايىز ارزانداپ, 55,17 دوللارعا تەڭەستى.
اقش-تاعى بۇرعىلاۋ قۇرىلعىلارىنىڭ سانى ءبىر اپتادا 15-كە كوبەيىپ, جالپى سانى 566-نى قۇرادى. بۇل 2015 جىلدان بەرگى ەڭ جوعارعى كورسەتكىش.
ساراپشىلاردىڭ پىكىرىنشە, اقش-تاعى مۇناي ءوندىرىسىنىڭ كوبەيۋى وپەك+ ەلدەرىنىڭ بىلتىر جىل سوڭىندا قابىلعان ءوندىرىستى ازايتۋ تۋرالى كەلىسىمىنە كەرى اسەرىن تيگىزىپ, نارىقتاعى قارا التىن باعاسىنىڭ كوتەرىلۋىنە كەدەرگىسىن كەلتىرمەك.
وسى ورايدا, سالا ماماندارى 2017 جىلى قارا التىننىڭ ءبىر جىلدىق ورتاشا باعاسى 57,75 دوللار, ال 2018 جىلى 71,75 دوللار بولادى دەپ بولجاۋدا.
اقش-تاعى مۇناي ءوندىرىسى 2016 جىلدىڭ ورتاسىنان بەرى 6,3 پايىزعا كوبەيدى. Goldman Sachs بانكىنىڭ مالىمەتىنشە, امەريكالىق مۇناي ءوندىرىسى 2017 جىلى ورتا ەسەپپەن تاۋلىگىنە 290 000 باررەل ءوسىم كورسەتپەك.