«سامۇرىق-ەنەرگو» مەملەكەتتىك حولدينگى ءوزىنىڭ ەكى ەنشىلەس كومپانياسى اكتسيالارىنىڭ باقىلاۋ پاكەتىن ساتىپ الۋشىنى انىقتادى, دەپ حابارلايدى abctv.kz كومپانيانىڭ ءباسپاسوز قىزمەتىنە سىلتەمە جاساپ.
ەكى كەزەڭدىك بايقاۋدىڭ قورىتىندىسى بويىنشا «شىعىس قازاقستان ايماقتىق ەنەرگەتيكالىق كومپانياسى» (100%-ى) جانە «ماڭعىستاۋ تاراتۋ ەلەكترجەلىلىك كومپانياسى» (78,64%) ساتىلدى.
«ساۋدا ءساتتى ءوتتى جانە بايقاۋ وتىنىمدەرى جەڭىمپازدارىنىڭ باعا ۇسىنىستارى جاريالانعان باستاپقى قۇنىنان اسىپ ءتۇستى», – دەپ حابارلادى «سامۇرىق-ەنەرگو» قارجى جانە ەكونوميكا جونىندەگى باسقارۋشى ديرەكتورى قايرات ماقسۇتوۆ.
ونىڭ ايتۋىنشا, تاراپتار مەملەكەتتىك ورگانداردىڭ قاجەتتى كورپوراتيۆتىك ماقۇلداۋلارى مەن كەلىسىمدەرىنە قول جەتكىزىلگەن سوڭ مامىلەنى اياقتاۋ شارالارىنا كىرىسەدى.