ىشكى ىستەر مينيسترلىگىندە وسى ورگان قىزمەتىنىڭ ماسەلەسى جونىندەگى قوعامدىق كەڭەستىڭ كەزەكتى وتىرىسى ءوتتى. ونىڭ جۇمىسىنا كەڭەس مۇشەلەرى, ىشكى ىستەر مينيسترلىگىنىڭ باسشىلىعى مەن سالالىق قىزمەت جەتەكشىلەرى قاتىستى.
اتالعان قوعامدىق كەڭەستىڭ وتىرىسىندا كونسۋلتاتيۆتىك-كەڭەستىك ورگاننىڭ وتكەن جىلعى اتقارعان جۇمىس ناتيجەلەرى جانە 2017 جىلدارعا ارنالعان جوسپارى تالقىلاندى. بۇل ورايدا كەڭەستىڭ توراعاسى, پروفەسسور مارات قوعاموۆ بۇدان بىلاي تۇراقتى ەكى كوميسسيانىڭ بەلسەندى جۇمىس ىستەيتىنىن حابارلادى. كەڭەستىڭ جانىنان قۇرىلعان بۇل كوميسسيالار ازاماتتاردىڭ قۇقىقتارى مەن بوستاندىقتارىنا, مىندەتتەرىنە قاتىستى نورماتيۆتىك-قۇقىقتىق اكتىلەردىڭ جوباسىن قاراستىراتىن زاڭ شىعارۋشىلىق پەن پوليتسيا جۇمىسىنىڭ ايقىندىلىعىن قامتاماسىز ەتەتىن ماسەلەلەردى جانە ازاماتتاردىڭ وتىنىشتەرىن قاراۋدى جۇزەگە اسىرادى.
بۇل باعىتتا اتالعان قوعامدىق كەڭەس وتكەن جىلى سەگىز وتىرىس پەن ءۇش قوعامدىق تىڭداۋ ءوتكىزدى, وندا نورماتيۆتىك قۇجاتتامالاردى ازىرلەۋ بويىنشا وزەكتى ماسەلەلەر قاراستىرىلدى. كەڭەس 140 زاڭ جوباسىن, ۇكىمەتتىڭ قاۋلىسىن, ءىىم-ءنىڭ كەلىسىمدەرى مەن بۇيرىقتارىن, ازاماتتاردىڭ قۇقىقتارىنا, بوستاندىقتارى مەن مىندەتتەرىنە قاتىستى باسقا دا نورماتيۆتىك-قۇقىقتىق اكتىلەردىڭ قامتاماسىز ەتىلۋىن, سونداي-اق, 40 ازاماتتىڭ ءوتىنىشىن قاراپ, ناتيجەسىن سارالادى. ونىڭ قورىتىندىسى بويىنشا, مينيسترلىكتىڭ قىزمەتتەرىنە ءتيىستى ۇسىنىمدار بەرىلدى, ولاردىڭ باسىم بولىگى ىسكە اسىرىلدى, قالعاندارىنىڭ ورىندالۋى باقىلاۋعا الىندى.
م.قوعاموۆتىڭ ايتۋىنا قاراعاندا, قوعامدىق كەڭەس ءمۇشەلەرى پارلامەنتكە, مەملەكەتتىك ورگاندار مەن وڭىرلەردە وتەتىن عىلىمي-پراكتيكالىق كونفەرەنتسياعا, دوڭگەلەك ۇستەل جۇمىستارىنا, قوعامدىق كەزدەسۋلەرگە, كوشپەلى وتىرىستارعا قاتىسقان كورىنەدى.
جيىن بارىسىندا ىشكى ىستەر ءمينيسترى ق.قاسىموۆ ءسوز الىپ, كەڭەستىڭ توراعاسى مەن ءمۇشەلەرىنە العىس ءبىلدىرىپ, ونىڭ قوعامدىق ماڭىزدى ماسەلەلەر اياسىندا جانە ىشكى ىستەر ورگاندارى قىزمەتىنىڭ اشىقتىعىن قامتاماسىز ەتۋ ماسەلەلەرى بويىنشا بەلسەندى اتقارىلعان جۇمىستى اتاپ ءوتتى.
سونىمەن قاتار, وتىرىس بارىسىندا ءىىم-ءنىڭ كوميتەت جانە دەپارتامەنت باسشىلارىنىڭ قوعامدىق كەڭەستىڭ تۇراقتى كوميسسياسىنىڭ ۇسىنىمدارىن ىسكە اسىرۋ جانە ىشكى ىستەر ورگاندارى قىزمەتىنىڭ ءارتۇرلى باعىتتارى بويىنشا ەسەبى تىڭدالدى.
ءسويتىپ, تالقىلاۋ بارىسىندا كەڭەستىڭ بيىلعا ارنالعان جۇمىس جوسپارىندا ايقىندالعانداي, قوعامدىق تىڭداۋلاردى وتكىزۋ ءۇشىن جۇمىس توپتارىن بەكىتۋ ماسەلەسى قارالدى. وسى ورايدا «ازاماتتار جانە پوليتسيا: سەنىمگە نەگىزدەلگەن ءوزارا ءىس-قيمىل», «جينالىس, ميتينگتەر, دەمونستراتسيالار مەن شەرۋلەر», «قازاقستان پوليتسياسىنا – 25 جىل: قالىپتاسۋى, دامۋى, وزىق تاجىريبەسى, تيىمدىلىك پروبلەمالارى» تاعى باسقا دا تاقىرىپتارعا ءمان بەرۋ كوزدەلدى.
وتىرىستىڭ قورىتىندىسى بويىنشا, قوعامدىق كەڭەس ءمۇشەلەرىنە, سونداي-اق, مينيسترلىكتىڭ قىزمەت باسشىلارىنا وسىندا قارالعان ماسەلەلەر بويىنشا ءتيىستى تاپسىرمالار بەرىلدى.
الەكساندر تاسبولاتوۆ,
«ەگەمەن قازاقستان»