بۇگىن ەلىمىزدىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى, كەي جەرلەردە قار كۇتىلەدى, وڭتۇستىك وبلىستاردا جاۋىن-شاشىن بولادى. كەي اۋماقتاردا جەل كۇشەيەدى, بۇرقاسىن, تۇمان, كوكتايعاق بولادى. بۇل تۋرالى «قازگيدرومەت» رمك حابارلادى.
اقمولا, باتىس قازاقستان, پاۆلودار, سولتۇستىك قازاقستان, كۇندىز اتىراۋ وبلىستارىنىڭ كەي جەرلەرىندە تۇمان كۇتىلەدى.
الماتى وبلىسىنىڭ كەي جەرلەرىندە تۇمان بولادى, جالاڭاشكول اۋدانىندا جەل 18-23 م/س كۇشەيەدى.
جامبىل وبلىسىنىڭ جەكەلەگەن جەرلەرىندە تۇمان, كوكتايعاق كۇتىلەدى, كۇندىز جەل 15-20 م/س ارتادى.
وڭتۇستىك قازاقستان وبلىسىنىڭ كەي اۋماقتارىنا تۇمان تۇسەدى, جەل 15-20 م/س كۇشەيەدى.
ماڭعىستاۋ وبلىسىنىڭ كەي جەرلەرىندە تۇمان, كۇندىز كەي جەرلەرىندە كوكتايعاق بولۋى ىقتيمال.
اقتوبە وبلىسىنىڭ كەي جەرلەرىندە جاياۋ بۇرقاسىن ءجۇرىپ, جەل 18 م/س كۇشەيەدى.
قوستاناي وبلىسىنىڭ كەي جەرلەرىندە جاياۋ بۇرقاسىن, تۇمان كۇتىلەدى.
شىعىس قازاقستان وبلىسىنىڭ كەي جەرلەرىندە بۇرقاسىن, تۇمان, 15-20 م/س ەكپىندە جەل بولادى, جارما اۋدانىندا ونىڭ جىلدامدىعى 25 م/س-قا ارتادى.