قىرعىز رەسپۋبليكاسىنىڭ پرەزيدەنتى جاڭا كونستيتۋتسياعا قول قويدى. سالتاناتتى شارا بارىسىندا المازبەك اتامباەۆ زاڭعا وزگەرتۋلەر ەنگىزۋ تۋرالى باستاماعا ەل ازاماتتارى قولداۋ كورسەتكەنىن اتاپ ءوتتى, دەپ حابارلايدى 24.kz.
11 جەلتوقساندا وتكەن جالپىحالىقتىق رەفەرەندۋم ناتيجەسىندە اتا زاڭعا 40-قا جۋىق وزگەرتۋلەر مەن تولىقتىرۋلار ەنگىزىلگەن بولاتىن. قىرعىز ەلىنىڭ باسشىسى جاڭا كونستيتۋتسيا پرەزيدەنت وكىلەتتىلىگىن ازايتىپ, پارلامەنت پەن پرەمەر-ءمينيستردىڭ قۇزىرەتىن كەڭەيتەتىنىن ايتتى.
سونداي-اق, المازبەك اتامباەۆ اتا زاڭدى حالىققا جاريا ەتۋ تۋرالى جارلىققا قول قويدى. ال ەل ءۇشىن ەڭ ماڭىزدى قۇجاتتىڭ 4 كوشىرمەسى پارلامەنت, ۇكىمەت, جوعارعى سوت پەن كونستيتۋتسيالىق پالاتاعا تابىس ەتىلدى. قۇجاتتىڭ تۇپنۇسقاسى پرەزيدەنت اكىمشىلىگىندە ساقتالماق.
ايتا كەتەيىك, قىرعىز رەسپۋبليكاسىندا سوڭعى 22 جىلدا اتا زاڭعا 7 رەت وزگەرىس ەنگىزىلگەن.