شىمكەنتتە ءوتىپ جاتقان حالىقارالىق تەحنولوگيالىق فورۋم اياسىندا جاساندى ينتەللەكت جانە تسيفرلىق دامۋ ۆيتسە-ءمينيسترى دميتري مۋن پرەمەر-مينيستر ولجاس بەكتەنوۆكە جاساندى ينتەللەكت ۇلتتىق پلاتفورماسىنىڭ جۇمىسىن تانىستىردى, دەپ جازادى Egemen.kz.
دميتري مۋن, بۇل ءبىرتۇتاس ەكوجۇيە سۋپەركومپيۋتەرلەرگە, ۇلكەن تىلدىك مودەلدەرگە جانە 120-دان استام مەملەكەتتىك دەرەكتەر بازاسىنا قولجەتىمدىلىكتى بىرىكتىرە وتىرىپ, مەملەكەتتىك سەكتوردا جي-شەشىمدەرىن جاساۋ مەن ەنگىزۋدىڭ نەگىزىنە اينالعانىن اتاپ ءوتتى. پلاتفورما پروتسەستەردى جاي عانا اۆتوماتتاندىرىپ قويماي, بۇگىندە ازاماتتار مەن مەملەكەتتىك اپپاراتتىڭ قاجەتتىلىكتەرى ءۇشىن 50-دەن استام مامانداندىرىلعان جي-اگەنتتەرى جاسالعان وزىندىك «فابريكا» رەتىندە قىزمەت ەتەدى.
ولجاس بەكتەنوۆ ەاەو اۋماعىندا جۇك تاسىمالىن رەتتەيتىن جي پلاتفورماسىن قۇرۋدى ۇسىندى
تانىستىرىلىم بارىسىندا مينيسترلىكتەر مەن ۆەدومستۆولاردىڭ كۇندەلىكتى جۇمىسىنداعى جي-قۇرالدارىنىڭ تيىمدىلىگىنە ەرەكشە نازار اۋدارىلدى. ۆيتسە-مينيستر جي-كومەكشىسى جىل سايىن كەلىپ تۇسەتىن 5,5 ميلليون سۇرانىستىڭ 1 ميلليوننان استامىن وڭدەپ ۇلگەرگەنىن, بۇل 16 مەملەكەتتىك ورگاننىڭ جۇمىسىن ايتارلىقتاي جەدەلدەتكەنىن ايتتى. قىزمەتشىلەردىڭ ارسەنالىندا 400 مىڭنان استام اۋدارما جاساعان قاۋىپسىز جي-اۋدارماشى جانە وتىرىستاردى ناقتى ۋاقىت رەجيمىندە اۆتوماتتى تۇردە حاتتامالاۋ جۇيەلەرى بەلسەندى قولدانىلىپ جاتىر. ترانسفورماتسيا اۋقىمىن وقىتۋ كورسەتكىشتەرى دە راستايدى: 60 مىڭنان استام قىزمەتكەر AI Qyzmet كۋرستارىنان ءوتتى, ال پلاتفورمانى پايدالانۋشىلاردىڭ جالپى سانى 15 مىڭ ادامنان استى.
بۇل يننوۆاتسيالاردىڭ ىرگەتاسى بىتىراڭقى جۇيەلەردى تالداۋعا ارنالعان ءبىرتۇتاس تسيفرلىق ورتاعا اينالدىراتىن مەملەكەتتىك دەرەكتەردى باسقارۋدىڭ ورتالىقتاندىرىلعان مودەلى – AI DataHub. دميتري مۋننىڭ ايتۋىنشا, دەرەكتەردى تەرەڭ وڭدەۋ حالىق ءۇشىن جاڭا بۋىن سەرۆيستەرىن ىسكە قوسۋعا مۇمكىندىك بەرەدى. ماسەلەن, eGov AI كەڭەسشىسى 2 ميلليوننان استام سۇرانىستى ءساتتى وڭدەپ, بايلانىس ورتالىقتارى مەن حقكو-لارعا تۇسەتىن جۇكتەمەنى ايتارلىقتاي ازايتقان. قازىرگى ۋاقىتتا جي-اگەنتتەرى گاز كورسەتكىشتەرىن اۆتوماتتى ەسەپكە الۋدان باستاپ, ەلىمىزدىڭ 38 كلينيكاسىنداعى تەراپەۆتەرگە كومەكتەسۋگە جانە Qazaq Law جۇيەسى ارقىلى قۇقىقتىق كەڭەس بەرۋگە دەيىنگى ءتۇرلى سالالاردى قامتيدى.
جي نارىعى قالاي دامىپ كەلەدى؟
ۇكىمەت باسشىسىنا ارنالعان تانىستىرىلىمدى قورىتىندىلاي كەلە, ۆيتسە-مينيستر AlemGPT نەگىزىندەگى جاڭا مودەلدىڭ مۇمكىندىكتەرىن كورسەتتى. بۇل امبەباپ اسسيستەنت كۇندەلىكتى جۇمىستاردى تولىق اۆتوماتتاندىرۋعا, سونىڭ ىشىندە بالانى ءبىر مەكتەپتەن ەكىنشىسىنە اۋىستىرۋ سياقتى ماڭىزدى ماسەلەلەردە اشىق ءارى جىلدام ناتيجە بەرۋگە باعىتتالعان.
جي-ءدى دامىتۋ ءۇشىن ەلەكتر ەنەرگياسىنىڭ مول قورى كەرەك: ساراپشى ءتۇسىندىردى
جاساندى ينتەللەكت نەگىزىندەگى مۇنداي مەملەكەتتىك باسقارۋ ارحيتەكتۋراسى قازاقستانعا تەحنولوگيالار الدىن الا ارەكەت ەتىپ, ءومىر ءسۇرۋ مەن بيزنەس ءۇشىن بارىنشا قولايلى جاعداي جاسايتىن «كورىنبەيتىن ۇكىمەت» فورماتىنا جوسپارلى تۇردە وتۋگە مۇمكىندىك بەرەدى.