ۇلتتىق ستاتيستيكا بيۋروسى زەرتتەۋلەرىنىڭ قورىتىندىسىنا سايكەس, وتكەن جىلدىڭ ءتورتىنشى توقسانىندا ەلدە كەمىندە 176,6 مىڭ جۇمىسپەن قامتىلعان ازامات جۇمىس ورنىن اۋىستىرعىسى كەلەتىنىن ايتقان, دەپ جازادى Egemen.kz.
بۇل – ەڭبەك نارىعىندا «جاسىرىن جۇمىستان كەتۋ» دەپ اتالاتىن قۇبىلىستىڭ كورىنىسى. ياعني ادامداردىڭ جۇمىستان شىعۋ تۋرالى شەشىم قابىلداعانىمەن, ناقتى قايدا باراتىنىن ءالى انىقتاماعان نەمەسە جاڭا جۇمىس ىزدەۋ پروتسەسىندە جۇرگەنىن اڭعارتادى.
زەرتتەۋگە ساي جۇمىس ورنىن اۋىستىرۋعا تابىستىڭ تومەن ەكەندىگى سەبەپ بولىپ وتىر.
مۇنداي پىكىردى رەسپوندەنتتەردىڭ – 42,7%-ى, ياعني 75,5 مىڭ ادام بىلدىرگەن. سونىمەن قاتار 26% قىزمەتكەر ءوز ماماندىعى بويىنشا جۇمىس ىستەمەيتىنىن ايتىپ, جۇمىستان كەتكىسى كەلەتىنىن جەتكىزگەن.
جاس كادرلارعا سۇرانىس: قوستانايدا ەڭبەك نارىعى كەڭەيىپ كەلەدى
شامامەن 10,6 مىڭ ادام بۇل شەشىمگە جەكە نەمەسە وتباسىلىق جاعدايلارعا بايلانىستى كەلگەن. بۇدان بولەك, جۇمىس ورنىنىڭ الىس ورنالاسۋى نەمەسە وعان قاتىناۋدىڭ قولايسىزدىعى, سونداي-اق كومپانيا تاراپىنان الەۋمەتتىك كەپىلدىكتەردىڭ جەتكىلىكسىزدىگى دە نەگىزگى سەبەپتەردىڭ قاتارىندا اتالعان.
بۇل ءۇردىس ەڭبەك نارىعىنداعى جالپى ديناميكامەن دە سايكەس كەلەدى. جەكە رەكرۋتينگتىك كومپانيا Hh.kz دەرەكتەرى بويىنشا, بيىلعى جىلدىڭ قاڭتار-اقپان ايلارىندا پلاتفورماداعى تۇيىندەمەلەر سانى وتكەن جىلدىڭ وسى كەزەڭىمەن سالىستىرعاندا 24%-عا ارتقان. بۇل جۇمىس ىزدەۋشىلەردىڭ ايتارلىقتاي كوبەيگەنىن, ولاردىڭ ءبىر بولىگى تۇيىندەمەسىن جاڭارتقانىن, ەندى ءبىرى العاش رەت تىركەلگەنىن كورسەتەدى.
ەڭبەك نارىعى: مامان كوپ, جۇمىسشى تاپشى
ەڭ جوعارى ءوسىم ساتۋ جانە قىزمەت كورسەتۋ سالاسىندا – 26%, ساقتاندىرۋ سەكتورىندا – 26% جانە اقپاراتتىق تەحنولوگيالار سالاسىندا – 23% كورسەتكىش نەگىزىندە بايقالعان.
ەڭبەك نارىعىنداعى سايكەسسىزدىك: بوس جۇمىس ورنى كوپ پە الدە جۇمىسسىزدار ما؟