ەلىمىزدە تۇرعىن ءۇي-كوممۋنالدىق شارۋاشىلىعىن جاڭعىرتۋعا سالىنعان ينۆەستيتسيالار ناتيجەسىندە 19 مىڭ شاقىرىمنان استام ينجەنەرلىك جەلى جوندەلدى. بۇل جەلىلەردىڭ توزۋ دەڭگەيىن تومەندەتىپ, حالىققا كورسەتىلەتىن كوممۋنالدىق قىزمەتتەردىڭ سەنىمدىلىگىن ارتتىردى. بۇل تۋرالى ەلوردادا وتكەن دوڭگەلەك ۇستەلدە تابيعي مونوپوليالاردى رەتتەۋ كوميتەتىنىڭ توراعاسى تيمۋر قوسىمباەۆ ايتتى, دەپ حابارلايدى Egemen.kz.
تيمۋر قوسىمباەۆ اتاپ وتكەندەي, بۇرىن جەلىلەردىڭ ەسكىرگەندىگى جىلۋ, سۋ جانە ەلەكتر ەنەرگياسىن جەتكىزۋ كەزىندە اپاتتار مەن ۇزىلىستەر قاۋپىن تۋدىرعان. 2023 جىلدان باستاپ كوممۋنالدىق ينفراقۇرىلىمدى اۋقىمدى جاڭعىرتۋ باستالدى, ال جەلىلەردى جوندەۋ كولەمى 2022 جىلمەن سالىستىرعاندا ەكى ەسەگە ارتتى.
Digital Qazaqstan: ەنەرگەتيكا ينفراقۇرىلىمى ونلاين جۇيەگە بىرىكتىرىلدى
2025 جىلدان باستاپ ىسكە قوسىلعان «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسى اياسىندا 31,6 ملرد تەڭگەگە 17 پيلوتتىق جوبا قارجىلاندىرىلىپ, ونىڭ التاۋى قازىردىڭ وزىندە اياقتالعان.
جاڭعىرتۋ جۇمىستارىنىڭ ناتيجەلەرىندە شىمكەنت قالاسى مەن تۇركىستان وبلىسىندا 104 شاقىرىم ەلەكتر جەلىسى جاڭارتىلدى.سونداي-اق تايىنشا جانە تەمىرتاۋ قالالارىندا جىلۋ جەلىلەرى جوندەلدى. جەتىسۋ وبلىسىندا 6,4 مىڭ تۇتىنۋشى ءۇشىن ەلەكتر ەنەرگياسىن ءوندىرۋ كولەمى ۇلعايتىلدى.
سونىمەن قاتار 8 كاسىپورىن قاۋىپتى توزۋ دەڭگەيىنەن شىعارىلدى. قابىلدانىپ جاتقان شارالار سالانىڭ جۇيەلى جاڭارۋىنا جانە تۇراقتى ناتيجەگە قول جەتكىزۋگە مۇمكىندىك بەرىپ وتىر.
ەنەرگەتيكا مەن قاۋىپسىزدىك ماسەلەسى زەردەلەندى
الداعى ۋاقىتتا كوممۋنالدىق ينفراقۇرىلىمدى جاڭعىرتۋ جۇمىستارى جالعاسادى, 2026 جىلى تاعى 7,6 مىڭ شاقىرىم ينجەنەرلىك جەلى جوندەلمەك.