يتاليا ۇزدىك وندىقتان ءۇمىتتى

يتاليانىڭ سپورتشى ستۋ­دەنت­تەرى ۋنيۆەر­سيا­دا-2017 كەزىندە جالپى­كوماندالىق ەسەپتە ۇزدىك وندىق­تىڭ قاتارىنا ەنەتىن­دەرىنە سەنىپ وتىر. الماتىدا وتەتىن XXVIII دۇنيە­جۇزىلىك قىسقى ۋنيۆەرسياداعا يتا­ليا­نىڭ سپورت دەلەگاتسياسى قۇرا­مىندا 62 سپورتشى قاتىسادى. كو­مان­­دا يتاليانىڭ شاڭعى سپورتى فەدە­­را­تسياسىنىڭ قاتاڭ باقى­لاۋى­مەن دايىندىقتار جۇرگىزگەن ەكەن. بۇل ەلدىڭ سپورتشىلارى ءداستۇرلى تۇردە تاۋ شاڭعىسى جانە كونكيمەن جۇگىرۋ, فريستايل جانە مانەرلەپ سىرعاناۋ سەكىلدى سپورت تۇرلەرىندە باسىم سانالادى, سوندىقتان وسى جارىستاردا جوعارى ماراپاتتار ءۇشىن كۇرەسەتىن بولادى. يتاليانىڭ جاستارى ۋنيۆەرسيادا-2017 كەزىندە جال­پى­كوماندالىق ەسەپتە ۇزدىك ون­دىق­تىڭ قاتارىنا ەنۋدەن ءۇمىتتى. الدىڭعى ۋنيۆەرسيادالاردا يتا­ليا وسىنداي جوعارى رەيتينگكە جەتىپ, ويىندارعا قاتىسىپ وتىرعان بۇكى­ل كەزەڭ ىشىندە سول ورنىن ساقتاپ كەلەدى. يتاليا قۇراماسىنىڭ دەلەگاتسيا باسشىسى ەۋگەنيو مەچچيوز باستى قار­سى­لاستارى رەتىندە شۆەيتساريا, فران­تسيا جانە اۆستريانى اتاپ وتىر. ۋنيۆەرسيادانى وتكىزىپ وتىر­­عان قازاقستان ەلى يتاليالىق سپورت­­شى­لارعا ءبىرشاما تانىس. بىرنەشە جىل بۇرىن يتاليا ستۋدەنتتىك سپورت قاۋىم­­داستىعىنىڭ سپورتشىلارى مەن وكىلدەرى قازاقستاندا كونكي­مەن جۇگىرۋ سپورتىنان وتكەن حالىق­ار­ا­لىق جارىس­تارعا قاتىسقان بولاتىن. يتاليا سپورتشىلارى الماتى­داعى جارىستارعا قاتىساتىن بارلىق ەلدەردىڭ ويىنشىلارىنا «BUONA FORTUNA!» دەيدى.