قاراعاندى جانە اقتوبە وبلىستارىنداعى رەسپۋبليكالىق ماڭىزى بار جولداردىڭ قوزعالىسىنا شەكتەۋ قويىلدى. بۇل تۋرالى «قازاقاۆتوجول» ءباسپاسوز قىزمەتى حابارلادى.
بۇگىن, 24 قاڭتار كۇنى قاراعاندى وبلىسىندا اۋا رايىنىڭ قولايسىزدىعىنا (قار, بۇرقاسىن, كورۋ مۇمكىنشىلىگىنىڭ بولماۋى) بايلانىستى «جەزقازعان-پەتروپاۆل» تاس جولىنىڭ ۇلىتاۋ اۋىلىنان قوستاناي وبلىسىنا دەيىنگى بولىگى (177-330 شاقىرىم ارالىعى) بارلىق كولىكتەر ءۇشىن جابىلدى.
ءدال وسىنداي سەبەپپەن اقتوبە وبلىسىندا «اقتوبە-اتىراۋ-استراحان» تاس جولىنىڭ شۇبارقۇدىق اۋىلىنان اتىراۋ وبلىسىنىڭ شەكاراسىنا دەيىنگى بولىگىندە (136-252 شاقىرىم ارالىعى); «قاندىاعاش-ەمدى-شالقار-ىرعىز» تاس جولىنىڭ قاندىاعاش قالاسىنان شالقار قالاسىنا دەيىنگى بولىگىندە (0-257 شاقىرىم ارالىعى); «سامارا-شىمكەنت» تاس جولىنىڭ قوبدا اۋىلىنان مارجانبۇلاق اۋىلىنا دەيىنگى بولىگىندە (618-703 شاقىرىم ارالىعى) بارلىق كولىكتەر ءۇشىن شەكتەۋ قويىلدى.