يتاليانىڭ «يۋۆەنتۋس» كلۋبىنا جالعا بەرىلگەن ماروككالىق قورعاۋشى مەحدي بەناتيا جاقىن ارادا كومانداسىز قالۋى مۇمكىن. كەلىسىمشارتى «باۆارياعا» تيەسىلى ول بۇل كومانداعا قايتىپ ورالمايتىن بولدى, دەپ حابارلادى eurosport.ru.
«روما» ساپىندا ءجۇرىپ, ەرەكشە ويىنىمەن كوزگە تۇسكەن ول 2014 جىلى ەۋروپانىڭ بىرقاتار كلۋبتارىنان ۇسىنىس تۇسكەندىكتەن گەرمانيانىڭ «باۆاريا» ۇجىمىنا اۋىسۋعا بەل بايلاعان. ترانسفەر قۇنى 26 ميلليون ەۋرونى قۇرادى.
الايدا, نەمىس كومانداسىندا قايتا-قايتا جاراقات العاندىقتان باعى جانباي, نەگىزگى قۇرامنان شەت قالىپ جاتتى. مۇندا ول ەكى ماۋسىمدا باس-اياعى 29 ويىنعا قاتىسىپ, 2 گولدىڭ اۆتورى اتانعان.
بۇل ماۋسىمدى «يۋۆەنتۋستە» باستاعان ول ءجوندى ويىنىن كورسەتە الماي كەلەدى. وسىعان بايلانىستى «باۆاريا» ويىنشىمەن جاسالعان كەلىسىمشارتتى بۇزۋدى جوسپارلاپ وتىر.
مالىمەتتەرگە سايكەس, ماروككالىققا رەسەيدىڭ «سپارتاك» كومانداسى قىزىعۋشىلىق تانىتىپ وتىر.