الاۋ ەستافەتاسى 25 قاڭتار كۇنى ساعات 11:00-دە نازارباەۆ ۋنيۆەرسيتەتىنەن باستالىپ, قالا اكىمدىگىنىڭ ماڭىنداعى الاڭدا اياقتالادى. الاۋدى بەلسەندى ستۋدەنتتەر مەن استانالىق سپورتشىلار, بارلىعى 60 ادام الىپ وتپەك. بۇل تۋرالى استانا اكىمدىگىنىڭ ءباسپاسوز قىزمەتى حابارلادى.
ەستافەتا 2 كەزەڭگە بولىنگەن. ول قابانباي باتىر داڭعىلى – دوستىق كوشەسى – قوناەۆ كوشەسى – باراەۆ كوشەسى – رەسپۋبليكا داڭعىلى – كەنەسارى كوشەسى سىندى قالانىڭ ورتالىق كوشەلەرىمەن وتەدى. الاۋ ەستافەتاسىنىڭ جالپى ۇزىندىعى – 12 شاقىرىم.
وسىعان وراي ساعات 10:00-دەن 12:30-عا دەيىن:
قابانباي باتىر داڭعىلىندا تۇرار رىسقۇلوۆ كوشەسىنەن باستاپ, دوستىق كوشەسىنە دەيىن;
دوستىق كوشەسىندە قابانباي باتىر داڭعىلىنان باستاپ, تۇركىستان كوشەسىنە دەيىن كولىكتىڭ بارلىق تۇرلەرىنە قوزعالىس ءىشىنارا شەكتەلەتىنىن ەسكەرتەمىز.
سونداي-اق, 2017 جىلدىڭ 25 قاڭتار كۇنى ساعات 12:45-15:00-گە دەيىن:
د. قوناەۆ كوشەسىندە تۇركىستان كوشەسىنەن باستاپ, قابانباي باتىر داڭعىلىنا دەيىن;
قابانباي باتىر داڭعىلىندا د. قوناەۆ كوشەسىنەن باستاپ, «رامستور» سو-نىڭ اۆتوتۇراق اۋماعىنا دەيىن (رەسپۋبليكا داڭع.);
رەسپۋبليكا داڭعىلىندا «رامستور» سو-نىڭ اۆتوتۇراق اۋماعىنان باستاپ, كەنەسارى كوشەسىنە دەيىن;
كەنەسارى كوشەسىندە رەسپۋبليكا داڭعىلىنان باستاپ, استانا قالاسىنىڭ ەسكى الاڭىنا دەيىنگى اۋماقتا قوزعالىستار شەكتەلەتىن بولادى.
اۆتوجۇرگىزۋشىلەر ءۇشىن قالا بيلىگى كەپتەلىستەردىڭ الدىن الۋ ءۇشىن جولدار كەزەك-كەزەك جانە ءجۇرۋ جولاعى بويىنشا عانا جابىلادى. بۇل جۇرگىزۋشىلەر ءۇشىن ىڭعايسىزدىقتاردى بارىنشا ازايتۋعا مۇمكىندىك بەرەدى.
ءبىرىنشى كەزەڭ اياقتالىسىمەن «بايتەرەك» مونۋمەنتىنىڭ الدىندا تۇرعىندار مەن قالا قوناقتارىنا ارنالعان كونتسەرتتىك باعدارلاما ۇسىنىلادى.
ەكىنشى كەزەڭدە الاۋ رەسپۋبليكالىق شتاب وكىلدەرىنە تابىستالىپ, 2017 جىلعى 28-ءشى دۇنيەجۇزىلىك ۋنيۆەرسيادانىڭ اشىلۋ سالتاناتىنا قاتىسۋ ءۇشىن استانا-الماتى اۋە رەيسىمەن وڭتۇستىك استاناعا جەتكىزىلەدى.