الماتىعا ۋنيۆەرسياداعا قاتىسۋعا حالىقارالىق ستۋدەنتتەر حالىقارالىق ستۋدەنتتەر سپورتى فەدەراتسياسىنىڭ (FISU) پرەزيدەنتى ولەگ ماتىتسين كەلدى, دەپ حابارلايدى قازاقپارات. مارتەبەلى مەيمان الماتىعا تاڭەرتەڭ كەلدى. ونى اۋەجايدان الماتى قالاسى اكىمىنىڭ ورىنباسارى ارمان قىرىقباەۆ پەن ۋنيۆەرسيادا ديرەكتسياسىنىڭ ديرەكتورى نايل نۋروۆ قارسى الدى.
ولەگ ماتىتسين FISU-ءدىڭ اتقارۋ كوميتەتى وتكىزەتىن قورىتىندى جينالىسقا قاتىسۋ ءۇشىن الماتىعا الەمدىك ستۋدەنتتەر سايىسىنىڭ سالتاناتتى اشىلۋىنان بۇرىن كەلىپ وتىر. الماتىنىڭ ۋنيۆەرسياداعا دايىندىعى تۋرالى پىكىر بىلدىرگەن ولەگ ماتىتسين FISU-مەن ەتەنە بايلانىسۋدى تالاپ ەتەتىن مۇنداي اۋقىمدى شارانى ۇيىمداستىرۋدىڭ قيىنشىلىقتارىن ايتا كەتتى. FISU پرەزيدەنتى ءوز سوزىندە ويىندارعا دايىندىق بارىسىندا ءوزى جانە FISU مۇشەلەرى الماتىعا تەكسەرۋشى ەمەس, تۇتاس ءبىر كوماندادا جۇمىس جاسايتىن توپتىڭ مۇشەلەرى رەتىندە كەلگەنىن جەتكىزدى.
«ءبىلىم, سپورت, مادەنيەت بۇگىندە الەمگە تۇراقتىلىق پەن دامۋ, سەرپىلىس بەرەتىن سالا», - دەدى FISU پرەزيدەنتى. سونداي-اق ءسوزىنىڭ قورىتىندىسىندا ول «سپورت - بەيبىتشىلىكتىڭ ەلشىسى» ەكەنىن جەتكىزە وتىرىپ, ءسوزىن قورىتىندىلادى.
ايتا كەتەيىك, ولەگ ماتىتسين FISU-دىڭ باسشىلىعىنا 2015 جىلدىڭ قاراشا ايىندا سايلاندى. وعان دەيىن ول FISU ءبىرىنشى ۆيتسە-پرەزيدەنتى قىزمەتىن اتقاردى.