قازاقستاندىقتار جاڭا جىل الدىنداعى ساۋدا-ساتتىققا 920,8 ملرد تەڭگە جۇمساعان. ءاربىر قالالىق بازارلار مەن دۇكەندەرگە 91 مىڭ تەڭگە قالدىرىپ كەتكەن. بۇل قاراشا ايىنداعى ورتاشا چەكتەن 37,6% كوبىرەك, دەپ حابارلايدى ranking.kz.
ساراپشىلاردىڭ پىكىرىنشە, جالپى سومانى 40% جۋىعى مەگاپوليستەرگە تيەسىلى: الماتىعا - 243,7 ملرد تگ, استاناعا - 110,5 ملرد تگ. شقو 10,3% نەمەسە 94,9 ملرد تگ. ءبىر قالا تۇرعىنىنىڭ رەسمي ورتاشا چەگى 91 مىڭ + ايىنا 28,9 مىڭ تەڭگەنى قۇراعان.
ازىق-ت ۇلىككە جاتپايتىن تاۋارلار كورسەتىلگەن سومانىڭ 588 ملرد تەڭگەسىن (63,8%) قۇراعان. ازىق-ت ۇلىككە 333 ملرد تەڭگە (36,2%) جۇسالعان. 2016 جىلدىڭ قورىتىندىسى بويىنشا, قازاقستاندىقتار بولشەك ساۋدا نۇكتەلەرىنە 7,66 تريلليون تەڭگە قالدىرعان.
اقشالاي قۇننىڭ ءوسىمى 2015 جىلمەن سالىستىرعاندا 20,3% كوبىرەك. باعا وزگەرسە دە, بولشەك اينالىمىنىڭ ناقتى كولەمى جىلىنا 0,9% عانا وسكەن. وسىنىڭ ءوزى سەگمەنتكە وڭ ديناميكا بەرىپ تۇر. ماسەلەن, 2015 جىلى اقشالاي قۇنىنىڭ ءوسىمى 5,8% ۇلعايعانىنا قاراماستان, ناقتى ساۋدا اينالىمى 0,4% قىسقاردى. بولشەك ساۋدادا زاڭدى تۇلعالار ۇلەسى كوبەيۋدە. 2015 جىلى ساۋدا كاسىپورىندارى 52,4% بولسا, بيىل 53,8% قۇراعان. 46,2% - جەكە كاسىپكەرلەرگە, سونىڭ ىشىندە بازاردا ساۋدا جاساۋشىلارعا تيەسىلى.