«قازمۇنايگاز» ۇلتىق كومپانياسى جۇمىس ىزدەپ جۇرگەن مامانداردى جاڭا سايتتا تىركەلۋگە شاقىرىپ وتىر. سول جەردە تۇيىندەمەنى قالدىرىپ, ونى ۇنەمى جاڭارتىپ وتىرۋعا بولادى. كومپانيادا جاڭا ۆاكانسيالارعا ىرىكتەۋ جۇمىسى بارىسىندا جۇمىسقا شاقىرىپ قالۋى ابدەن مۇمكىن, دەپ حابارلايدى قازاقپارات.
«قازمۇنايگاز» ۇك اق HR دەپارتامەنتىنىڭ كومانداسى جوعارى بىلىكتى كانديداتتاردى تارتۋ بويىنشا سەرۆيستى جەتىلدىرۋ جانە جاقسارتۋ ءۇشىن كۇن سايىن جۇمىس جۇرگىزىپ وتىرادى. ءبىز سىزدەرگە جاڭا بوس ورىندار سايتىنىڭ ىسكە قوسىلعانىن قۋانىشپەن حابارلايمىز! ەندى سىزدەر ءوز تۇيىندەمەلەرىڭىزدىڭ جاعدايىن باقىلاپ, جاڭارتا الاسىزدار, اقپاراتتاردى تاراتۋعا جازىلۋعا بولادى جانە باسقا دا كوپتەگەن پايدالى فۋنكتسيالار بار. جاڭا سايتپەن سىزدەر مىنا http://work.kmg.kz/ سىلتەمەارقىلى تانىسا الاسىزدار. سونىمەن قاتار, ەگەر تۇيىندەمەڭىز كانديداتتاردىڭ تۇيىندەمەلەر بازاسىندا ساقتالعانىن, سىزگە بوس ورىندار تۋرالى ءتيىستى اقپارات كەلگەنىن جانە ءبىزدىڭ جاڭا پوزيتسيالارعا ىرىكتەۋ كەزىندە ەسكەرگەنىمىزدى قالاساڭىز, جاڭا سايتتا تىركەلۋىڭىزدى سۇرايمىز», - دەلىنگەن كومپانيانىڭ رەسمي حابارلاماسىندا.
ايتا كەتەيك, «قازمۇنايگاز» كومپانياسى 2002 جىلى پرەزيدەنتتىڭ ۇكىمىمەن قۇرىلعان بولاتىن. نەگىزگى ماقساتى - مۇناي-گاز كەشەنىن دامىتۋ. كومپانيا «سامۇرىق-قازىنا» ۇلتتىق ءال-اۋقات قورىنىڭ قۇرامىنا كىرەدى.