شىمكەنت قالاسىنىڭ اكىمى عابيدۋللا ءابدىراحىموۆ قالاعا قوسىلعان ەلدى مەكەندەرگە الەۋمەتتىك قوعامدىق كولىك قاتىنايتىندىعىن جەتكىزدى, دەپ جازادى szh.kz.
قالا اكىمى عابيدۋللا ءابدىراxىموۆ س.ەرۋباەۆ اتىنداعى 24 مەكتەپتە وتكەن ەڭبەكشى اۋدانىنىڭ اكىمنىڭ جىلدىق ەسەبىنە قاتىستى. وتكەن جىلعى اتقارىلعان جۇمىستار مەن الداعى مىندەتتەردى ايقىنداعان جيىنعا شاھار باسشىسى عابيدوللا ءابدىراحىموۆ جەرگىلىكتى تۇرعىنداردىڭ تالاپ-تىلەگىن تىڭدادى.
كەزدەسۋدە اۋدان باسشىسى عالىمجان يلياسوۆتىڭ جۇزەگە اسقان جوبالار مەن وڭ وزگەرىستەرگە توقتالىپ, جوسپارلارىمەن ءبولىستى. ءبىلىمدى ۇرپاق-ۇلت بولاشاعى ەكەندىگىنە توقتالعان اۋدان باسشىسى ەسەپتى كەزەڭدە 320 ورىندىق 1 مەملەكەتتىك جانە 446 ورىندىق 4 جەكەمەنشىك بالاباقشالار اشىلىپ, بىرقاتار بوبەكجايلار مەن مەكتەپتەردە كۇردەلى جوندەۋ جۇمىستارى جۇرگىزىلىپ, پايدالانۋعا بەرىلگەندىگىن ايتىپ ءوتتى. جيىندا اكىم بايانداماسىنان سوڭ سۇراق-جاۋاپقا كەزەك بەرىلىپ, تۇرعىندار كوكەيلەرىندەگى ساۋالدارىن قويىپ, ۇسىنىس-تىلەكتەرىن ايتتى. بىرقاتار ازاماتتار اتقارىلىپ جاتقان يگى ىستەرگە, ەل ءۇشىن ەڭبەك ەتىپ جاتقان اۋدان, قالا باسشىلارىنا العىسىن ءبىلدىردى.
قالاداعى قوعامدىق كولىك قىزمەتى مەن ونىڭ ساپاسى تۋرالى ايتىلعان تۇرعىندار وتىنىشىنە قالا اكىمى عابيدوللا ءابدىراxىموۆ وسى جاز ايىندا قوسىمشا 240 اۆتوبۋس الىنىپ, جولاۋشىلار ءۇشىن قىزمەت ەتەتىندىگىن جەتكىزدى. شاھار باسشىسى ءوز سوزىندە الداعى ۋاقىتتا قالاعا قوسىلعان 40 ەلدى مەكەنگە 10 باعىتتا الەۋمەتتىك قوعامدىق كولىك قىزمەتى جولعا قويىلىپ, جاڭا 100 اۆتوبۋس الىناتىندىعىن ايتتى.