2017 جىلدىڭ العاشقى جارتىجىلدىعىنىڭ سوڭىندا مۇناي نارىعى تەڭگەرىمگە كەلەدى. بۇل تۋرالى رەسەيدىڭ ەنەرگەتيكا س الەكساندر نوۆاك حابارلادى, دەپ جازادى abctv.kz.
«بۇعان دەيىن ول (مۇناي نارىعىنىڭ تەڭگەرىمگە كەلۋى – يف) 2017 جىلدىڭ ءتورتىنشى توقسانىندا بولادى دەپ باعالاعان بولاتىنبىز. قازىرگى جاعدايعا قاراپ, 2017 جىلدىڭ العاشقى جارتىجىلدىعىنىڭ سوڭىندا تەڭگەرىم بولادى. سونداي باعالاۋ دا بار», – دەدى ول «روسسيا 24» تەلەارناسىنىڭ ەفيرىنەن.
ونىڭ ايتۋىنشا, قاڭتاردىڭ قورىتىندىسى بويىنشا جالپى مۇناي ءوندىرۋ تاۋلىگىنە 1,7 ملن باررەلدى قۇرايتىن بولادى.
«قازىر قولدا بار اقپارات بويىنشا, ەلدەر شامامەن تاۋلىگىنە 1,5 ملن باررەلگە تومەندەتكەنى تۋرالى مالىمەت بار. جالپى العاندا, ەلدەردى تۇتاستاي العاندا, ال ولاردىڭ سانى 24, وندا تاۋلىگىنە 1,7 ملرد باررەل بولادى. ياعني, مەنىڭشە, قاڭتاردا جاسالاتىن ستاتيستيكالىق قورىتىندى بويىنشا, تاۋلىگىنە 1,7 ملن-عا ارتۋى مۇمكىن», – دەدى مينيستر.