كورەيالىق Kookmin Bank قازاقستاندىق «تسەنتركرەديت» (بتسك) بانكىندەگى ءوز ۇلەسىن ساتۋعا نيەتتى, دەپ حابارلايدى قازاقپارات.
باسىلىمنىڭ حابارلاۋىنشا, جەكسەنبى كۇنى كورەيالىق بانك وسى اپتادا قازاقستاندا وتەتىن ديرەكتورلار كەڭەسىندە «تسەنتركرەديت» بانكىندەگى اكتسيالارىن ساتۋ جونىندە كەلىسسوزدەر جۇرگىزەتىنىن راستاعان.
Kookmin Bank (كۋكمين بانك) – اكتيۆتەر كولەمى مەن نارىقتىق كاپيتالداندىرۋ بويىنشا وڭتۇستىك كورەيانىڭ ءىرى بانكتەرىنىڭ ءبىرى. بتسك Kookmin Bank ۇلەسى 41,9% قۇرايدى. بتسك 41,9-پايىزدىق ۇلەسىن كورەيالىق بانك 2008 جىلى 939,2 ملرد ۆونعا ساتىپ العان. بۇكىلالەمدىك بانك توبىنا كىرەتىن IFC حالىقارالىق قارجى كورپوراتسياسى بىرلەسكەن ينۆەستور رەتىندە مامىلەگە قاتىستى. كورپوراتسيا بتسك-نىڭ 10-پايىزدىق ۇلەسىنە يە.
2010 جىلى 19 تامىزدا كورەيا قارجىلىق باقىلاۋ قىزمەتى Kookmin Bank باسشىلارى مەن قىزمەتكەرلەرىنە بانكتى باسقارۋدا جىبەرىلگەن قاتەلىكتەر مەن كەلتىرىلگەن شىعىندار ءۇشىن ايىپپۇل سالدى. اتاپ ايتقاندا, Kookmin Bank 2008 جىلى – جاھاندىق داعدارىس كەزىندە بتسك اكتسيالارىن ساتىپ العانى ءۇشىن ايىپتالدى.
سونىڭ سالدارىنان بانكتىڭ ءبىرىنشى جەتەكشىسى كانگ چۋنگ ۆون 2010 جىلى ءوز لاۋازىمىنان بوساتىلدى.
Centercredit Bank قازاقستاننىڭ بانك سەكتورىندا ۇزدىك ويىنشىلاردىڭ بەستىگىنە ەنەدى.
«الەمدىك قارجىلىق داعدارىس يپوتەكالىق بيزنەسكە بەلسەنە ارالاسقان بانككە ءوز زالالىن تيگىزبەي قويمادى. 2014 جىلى قازاقستانداعى تەڭگە دەۆالۆاتسياسىنان كەيىن كۋكمين بانكتىڭ بتسك اكتسيالارىنىڭ قۇنى ودان ءارى قۇلدىراي ءتۇستى», – دەلىنگەن ماقالادا.