ۇلتتىق جولاۋشىلار تاسىمالى قىزمەتى جەرگىلىكتى جانە رەسپۋبليكالىق ماڭىزى بار بىرقاتار اۆتوموبيل جولىنىڭ كۇن رايى قولايسىزدىعىنا بايلانىستى جابىلۋىنا وراي, تاۋلىكتىك جۇمىس رەجىمىنە كوشىرىلدى. بۇل تۋرالى «جولاۋشىلار تاسىمالى» اق ءباسپاسوز قىزمەتىنەن حابارلادى.
«تەمىر جولمەن جولاۋشىلار تاسىمالداۋ كولەمىنىڭ ارتا تۇسۋىنە بايلانىستى جولاۋشىلاردى ماقساتتى ورىنعا دەر ۋاقىتىندا جەتكىزۋدى قامتاماسىز ەتۋ ءۇشىن بارلىق شارالار قابىلدانۋدا. جولاۋشىلار اعىنى بارىنشا كوپ باعدارلارعا قوسىمشا ۆاگوندار ءبولىندى. ماسەلەن, وتكەن دەمالىس كۇندەرى 60-تان استام قوسىمشا ۆاگون تىركەلىپ, 5 مىڭنان استام جولاۋشى تاسىمالداندى», - دەلىنگەن حابارلامادا.
سونىمەن قاتار كومپانيا مالىمەتتەرىنە سايكەس, جول بويىندا قالىپ قويعان 1300-دەن استام جولاۋشى كوكشەتاۋ-ەرەيمەنتاۋ, اتباسار-استانا باعىتتارى بويىنشا ەلەكتر پويىزىمەن تاسىمالدانعان. 22 قاڭتار كۇنى عانا «كوكشەتاۋ-ەرەيمەنتاۋ» ەلەكتر پويىزىمەن نورمادان تىس 333 جولاۋشى دىتتەگەن جەرىنە جەتكىزىلدى.