وڭتۇستىككورەيالىق Samsung كومپانياسى Galaxy Note 7 سمارتفوندارىنىڭ جارىلىپ كەتۋ سەبەبىن جاريالادى. جۇرگىزىلگەن زەرتتەۋ ناتيجەلەرىنە سايكەس, بارىنە قۋاتتالۋ كەزىندە قىزىپ كەتەتىن ساپاسىز اككۋمۋلياتورلار كىنالى, دەپ جازادى لەنتا.رۋ.
كومپانيا تاراتقان حابارلامادا اتاپ كورسەتىلگەندەي, Samsung ماماندارى جىبەرگەن قاتەلىكتەرىن مويىنداپ, سمارتفوندارعا ارنالعان باتارەيا قۇرىلىمى مەن قۇراستىرۋ پروتسەسسىن وزگەرتۋدى كوزدەپ وتىر.
«قاتەلىكتى قايتالاماس ءۇشىن بەلگىلى ءبىر تۇزەتۋ شارالارىن قولعا الىپ جاتىرمىز», - دەلىنگەن حابارلامادا.
Galaxy Note 7 سمارتفونى Galaxy Note 5-ءتىڭ ءىزباسارى رەتىندە 2016 جىلدىڭ تامىزىندا ساتىلىمعا شىقتى. وسى سەرياداعى بىرنەشە اپپاراتتىڭ جانىپ, جارىلىپ كەتۋ سەبەپتەرىنە بايلانىستى وتكەن جىلدىڭ قىركۇيەگىندە Samsung 2,5 ميلليون سمارتفوندى قايتارىپ الۋ جونىندە شەشىم قابىلدادى.
جارىلىپ كەتەتىن سمارتفونداردىڭ كەسىرىنەن كەلتىرىلگەن شىعىن كولەمى, كومپانيا ەسەبى بويىنشا, 5,3 ملرد دوللار شاماسىندا.