سينوپتيكتەر 2017 جىلدىڭ 21-23 قاڭتار كۇندەرىنە ارنالعان اۋا رايى بولجامىن جاريا ەتتى, - دەپ حابارلايدى "قازگيدرومەت" رمك.
"دەمالىس كۇندەرى جانە كەلەسى اپتانىڭ باسىندا رەسپۋبليكانىڭ سولتۇستىك بولىگىندە قار جاۋ, كورىنۋى 500 مەتر شاماسىندا ناشارلاۋىمەن بوران, 15-20, جەرگىلىكتى جەرلەردە 25 م/س جەل جانە تەمپەراتۋرانىڭ جوعارىلاۋى كۇتىلەدى", - دەدى ماماندار.
سونداي-اق, سينوپتيكتەردىڭ مالىمەتىنشە, قازاقستاننىڭ وڭتۇستىك جارتىسىندا قار, سۋلى قار, تۇمان كورىنۋى 200-500 مەتر, كوكتايعاق كۇتىلەدى. ال جەكسەنبى كۇنى رەسپۋبليكانىڭ وڭتۇستىگىندە كۇشتى باتىس جەلى سەكۋندىنا 20-25 مەترگە دەيىن جەتەدى دەپ كۇتىلەدى.