ەۋروپانىڭ ورتالىق بانكى قاڭتار ايىنداعى وتىرىس ناتيجەسىندە كرەديت بويىنشا بازالىق مولشەرلەمەنى نولدىك دەڭگەيدە وزگەرىسسىز قالدىردى, دەپ حابارلايدى abctv.kz.
دەپوزيتتەر بويىنشا مولشەرلەمە مينۋس 0,4% دەڭگەيىندە ساقتالسا, مارجالىق كرەديت بويىنشا ستاۆكالار 0,25% دەڭگەيىندە.
بۇدان بولەك ەوب اكتيۆتەردى ساتىپ الۋ باعدارلاماسىن (QE) وزگەرتپەيتىن بولدى. ونىڭ كولەمى 2017 جىلدىڭ ناۋرىز ايىن قوسا ەسەپتەگەندە اي سايىن 80 ملرد ەۋرونى قۇرايدى. ال ءساۋىر ايىنان باستاپ 60 ملرد ەۋروعا دەيىن قىسقارادى.
الپاري ساراپشىلارىنىڭ سوزىنشە, ەوب ەكونوميكاعا جۇمساقتىق تانىتۋ ماقساتىندا قاتىسۋشىلارى ءۇشىن بازالىق مولشەرلەمەنى وزگەرىسسىز قالدىرىپ وتىر. بۇدان ەۋروايماقتىڭ ەكونوميكالىق جۇيەسى بىرتىندەپ قالپىنا كەلە باستايدى.