الداعى ۋاقىتتا ەلىمىزدە سانيتارلىق ەرەجەلەردى مۇلدەم الىپ تاستاۋ جوسپارلانىپ وتىر, دەپ حابارلايدى قازاقپارات.
«بۇگىندە وندىرىستىك باقىلاۋ ەنگىزىلە باستادى. سونىڭ نەگىزىندە ءبىز سانيتارلىق ەرەجەلەردى مۇلدەم الىپ تاستاۋدى جوسپارلاپ وتىرمىز. سەبەبى وندىرىستىك باقىلاۋدىڭ ارنايى باعدارلاماسى بولادى. ول حاسسپ (Hazard Analysis and Critical Control Point -قاتەرلەردى تالداۋ مەن قاۋىپتى سالالاردى انىقتاۋ) پرينتسيپتەرىنە نەگىزدەلەدى. بۇل دەگەنىمىز, ءاربىر ءوندىرىس بويىنشا قاۋىپ-قاتەرلەر انىقتالادى. قازىر ءبارىن تيپتىك سيپاتتا جاسايتىن كەڭەستەر وداعى ەمەس قوي. سوندىقتان قاۋىپ-قاتەرلەردى انىقتاپ, سونىڭ الدىن الۋ شارالارىنا نەگىزگى باسىمدىق بەرىلەدى», - دەيدى قر ۇلتتىق ەكونوميكا مينيسترلىگىنىڭ تۇتىنۋشىلار قۇقىعىن قورعاۋ كوميتەتى توراعاسىنىڭ ورىنبارسى - باس مەملەكەتتىك سانيتارلىق دارىگەر جانداربەك بەكشين.
ونىڭ ايتۋىنشا, بۇگىندە سانيتارلىق ەرەجەلەردىڭ سانى 700-دەن 67-گە دەيىن ازايعان. وسىلايشا, اتالعان ەرەجەلەر ون ەسەگە قىسقارىپ وتىر. ال سانيتارلىق ەرەجەلەردە كورسەتىلگەن تالاپتاردىڭ سانى التى جىلدىڭ ىشىندە 14 مىڭنان 3,5 مىڭعا دەيىن ازايدى.