2010 جىلعى 19 قازان, استانا قالاسى
سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك بەرۋ جونىندەگى نۇسقاۋلىقتى بەكىتۋ تۋرالى
«قازاقستان رەسپۋبليكاسىنداعى سوت-ساراپتاما قىزمەتى تۋرالى» قازاقستان رەسپۋبليكاسىنىڭ 2010 جىلعى 20 قاڭتارداعى № 240-IV زاڭىنىڭ 13-بابىنا سايكەس, سوت-ساراپتاما قىزمەتىن جەتىلدىرۋ ماقساتىندا بۇيىرامىن:
1. قوسا بەرىلىپ وتىرعان سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك بەرۋ جونىندەگى نۇسقاۋلىق بەكىتىلسىن.
2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى (ن.ە. بەيسەن) وسى بۇيرىقتى قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋدى قامتاماسىز ەتسىن.
3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ قازاقستان رەسپۋبليكاسى ادىلەت مينيسترلىگىندە اكىمشىلىك-قۇقىقتىق جۇمىس دەپارتامەنتى (ف.ب. بيسميلدين) وسى بۇيرىق مەملەكەتتىك تىركەلگەننەن كەيىن ونىڭ بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.
4. «سوت-مەديتسينالىق, سوت-پسيحياتريالىق ءجانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك بەرۋ نۇسقاۋلىعىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2007 جىلعى 31 قاڭتارداعى № 65 بۇيرىعىنىڭ (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ مەملەكەتتىك تىركەۋ تىزىلىمىندە № 4559 تىركەلگەن, قازاقستان رەسپۋبليكاسىنىڭ ورتالىق اتقارۋ جانە باسقا مەملەكەتتىك ورگاندارىنىڭ نورماتيۆتىك قۇقىقتىق اكتىلەرى بيۋللەتەنىندە جاريالانعان (2007 جىل, ءساۋىر, № 4, 245-قۇجات) كۇشى جويىلدى دەپ تانىلسىن.
5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى ا.د. قۇرمانعاليەۆاعا جۇكتەلسىن.
6. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر س.قايىربەكوۆا.
قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 19 قازانداعى № 827 بۇيرىعىمەن بەكىتىلدى
سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك بەرۋ جونىندەگى نۇسقاۋلىق
1. جالپى ەرەجەلەر
1. وسى نۇسقاۋلىق «قازاقستان رەسپۋبليكاسىنداعى سوت-ساراپتاما قىزمەتى تۋرالى» قازاقستان رەسپۋبليكاسىنىڭ 2010 جىلعى 20 قاڭتارداعى زاڭىنىڭ 13-بابىنا سايكەس ازىرلەندى.
2. سوت-مەديتسينالىق, سوت-پسيحياتريالىق ءجانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك بەرۋ (بۇدان ءارى – بىلىكتىلىك) – بۇل قازاقستان رەسپۋبليكاسىندا سوت-مەديتسينالىق, سوت-پسيحياتريالىق نەمەسە سوت-ناركولوگيالىق ساراپتامانىڭ قىزمەتىن ءجۇزەگە اسىرۋعا تۇلعالار دايىندىعىنىڭ كاسىبي دەڭگەيىن انىقتاۋدىڭ مىندەتتى ءراسىمى.
3. جوعارى كاسىبي دەڭگەيدە جانە سوت ساراپتاماسى سالاسىندا قازىرگى زامانعى عىلىمي جەتىستىكتەرگە, سونداي-اق قازاقستان رەسپۋبليكاسىنىڭ پروتسەسسۋالدىق زاڭناماسىنىڭ تالاپتارىنا سايكەس سوت-مەديتسينالىق, سوت-پسيحياتريالىق ءجانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ بويىنشا وعان جۇكتەلگەن مىندەتتەردى ورىنداۋعا قابىلەتتىلىگى سوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىعا بىلىكتىلىك بەرۋ كەزىندە باعالاۋدىڭ نەگىزگى كريتەريى بولىپ تابىلادى.
4. «قازاقستان رەسپۋبليكاسىنداعى سوت – ساراپتاما قىزمەتى تۋرالى» قازاقستان رەسپۋبليكاسى زاڭىنىڭ 12-بابىنىڭ 1-تارماعىنىڭ تالاپتارىنا سايكەس كەلەتىن تۇلعالارعا سوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىسىنىڭ بىلىكتىلىگى بەرىلەدى.
سوت-مەديتسينالىق ساراپشىسى – بيولوگ, سوت-مەديتسينالىق ساراپشىسى – گيستولوگ, سوت-مەديتسينالىق ساراپشىسى – حيميك-توكسيكولوگ بىلىكتىلىگىن بەرۋگە ارنالعان ەمتيحاندى جوعارى وقۋ ورنىن بىتىرگەننەن جانە ماماندىعى بويىنشا العاشقى مامانداندىرۋدان وتكەننەن كەيىن تاپسىرا الادى.
5. بىلىكتىلىكتى مەديتسينالىق جانە فارماتسەۆتيكالىق قىزمەت كورسەتۋ سالاسىن باقىلاۋ مەملەكەتتىك ورگانىنىڭ (بۇدان ءارى – مەملەكەتتىك ورگان) بىلىكتىلىك كوميسسياسى بەرەدى.
2. بىلىكتىلىك ەمتيحانىن تاپسىرۋ كەزىندە ۇسىنىلاتىن قۇجاتتار
6. بىلىكتىلىك ەمتيحانىنان ءوتۋ ءۇشىن ءۇمىتكەرلەر مەملەكەتتىك ورگاننىڭ اۋماقتىق ءبولىمشەلەرىنە مىناداي قۇجاتتاردى:
1) وسى نۇسقاۋلىققا 1-قوسىمشاعا سايكەس نىسان بويىنشا ءوتىنىشتى;
2) جەكە كۋالىكتىڭ كوشىرمەسىن;
3) ۇيىم باسشىسىنىڭ قولى قويىلعان اتقارعان جۇمىسى, كاسىبي قىزمەتى, كوتەرمەلەۋ بولعاندىعى تۋرالى مالىمەتتەردەن تۇراتىن قىزمەتتىك مىنەزدەمەسىن;
4) جوعارى كاسىبي ءبىلىمى تۋرالى ديپلومىنىڭ نوتاريالدىق راستالعان كوشىرمەسىن;
5) ۇيىمنىڭ كادر قىزمەتى باسشىسىنىڭ راستاعان ەڭبەك كىتاپشاسىنىڭ كوشىرمەسىن;
6) «قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتى باسقارماسى» مەملەكەتتىك مەكەمەسىنىڭ (اۋماقتىق قاعيدات بويىنشا) سوتتىلىعى بولماعانى تۋرالى انىقتاماسىن;
7) مەديتسينالىق قۇجاتتاردى بەرۋ مەرزىمىنەن ءبىر ايدان كەشىكتىرمەي پسيحونەۆرولوگيالىق جانە ناركولوگيالىق ديسپانسەرلەردەن الىنعان انىقتامالاردى;
8) مەديتسينالىق قىزمەتپەن اينالىسۋ قۇقىعىنا بەرىلگەن مامان سەرتيفيكاتىنىڭ كوشىرمەسىن (مەديتسينالىق ءبىلىمى بار تۇلعالار ءۇشىن);
9) ماماندانۋ, بىلىكتىلىكتى ارتتىرۋ كۋرستارىنان ءوتۋ تۋرالى ۇيىمنىڭ كادر قىزمەتىنىڭ باسشىسى راستاعان قۇجاتتاردىڭ كوشىرمەلەرىن ۇسىنادى;
7. مەملەكەتتىك ورگاننىڭ اۋماقتىق ءبولىمشەلەرى:
1) ۇمىتكەردىڭ ءوتىنىشى نەگىزىندە ۇمىتكەرلەردىڭ قۇجاتتارىن ء(ىس جۇرگىزۋشى تىركەگەننەن كەيىن) قابىلداۋدى جانە تالداۋدى جۇزەگە اسىرادى;
2) مەملەكەتتىك ورگاننىڭ بىلىكتىلىك كوميسسياسىنا بىلىكتىلىك كوميسسياسىنىڭ وتىرىسىنا دەيىن 10 كۇننەن كەشىكتىرمەي ۇسىنىلعان قۇجاتتاردىڭ تىزىمدەرىن, پاكەتتەرىن, تەستىلەۋ ءناتيجەلەرىن تاپسىرادى;
3) ۇمىتكەرلەرگە بىلىكتىلىك كۋالىكتەرىن بەرەدى.
3. بىلىكتىلىك ەمتيحانىن وتكىزۋ
8. بىلىكتىلىك ەمتيحانى 2 كەزەڭنەن تۇرادى:
1) تەستىلەۋ;
2) اڭگىمەلەسۋ.
9. تەستىلەۋدى ۇمىتكەردىڭ نەگىزگى جۇمىس ورنى بويىنشا اۋماقتىق بولىمشەلەر جۇزەگە اسىرادى.
10. تەستىلەۋ اۆتوماتتاندىرىلعان كومپيۋتەرلىك تاسىلمەن ۇمىتكەردىڭ تاڭداۋى بويىنشا مەملەكەتتىك نەمەسە ورىس تىلدەرىندە جۇرگىزىلەدى. ناتيجەلەر ەكى دانادا باسىلادى, ونىڭ بىرەۋى ۇمىتكەرگە, ەكىنشىسى ۇمىتكەردىڭ قولى قويىلىپ, ءتيىستى مەملەكەتتىك ورگاننىڭ اۋماقتىق ءبولىمشەسىندە ساقتالادى.
ماماندىق بويىنشا تەست سۇراقتارىنىڭ سانى – 50. تەستىلەۋگە بەرىلەتىن جالپى ۋاقىت 60 مينۋتتى قۇرايدى.
تەستىلەۋدەن ءوتۋ ءۇشىن شەكتى دەڭگەي دۇرىس جاۋاپتىڭ 60 %-ن قۇرايدى.
تەستىلەۋ ناتيجەلەرى تاپسىرعان كۇننەن باستاپ جىل بويى كۇشىندە بولادى.
11. ەگەر تەستىلەۋ ناتيجەلەرى بەلگىلەنگەن شەكتى دەڭگەيدەن تومەن بولسا, ۇمىتكەر بىلىكتىلىك ەمتيحانىنىڭ كەلەسى كەزەڭىنە جىبەرىلمەيدى.
12. مەملەكەتتىك ورگان اڭگىمەلەسۋدى جۇرگىزۋ ءۇشىن مەملەكەتتىك ورگان, دەنساۋلىق ساقتاۋ سالاسىنداعى عىلىم جانە ءبىلىم سوت ساراپتاماسى ورگاندارى جانە ۇكىمەتتىك ەمەس ۇيىمداردىڭ وكىلدەرى اراسىنان كوميسسيا (بۇدان ءارى – كوميسسيا) قۇرادى.
كوميسسيا قۇرامى كوميسسيا مۇشەلەرىنەن جانە حاتشىدان تۇرادى. بىلىكتىلىك كوميسسياسى مۇشەلەرىنىڭ اراسىنان توراعا بولىپ مەملەكەتتىك ورگاننىڭ وكىلى تاعايىندالادى. كوميسسيا مۇشەلەرىنىڭ سانى جەتى ادامنان كەم بولماۋى ءتيىس.
13. كوميسسيانىڭ ءماجىلىسى مەملەكەتتىك ورگاننىڭ ءبىرىنشى باسشىسى بەلگىلەگەن مەرزىمدە, بىراق جىلىنا كەمىندە ەكى رەت جۇرگىزىلەدى.
14. اتتەستاتتاۋ كوميسسياسىنىڭ شەشىمى كوميسسيا مۇشەلەرىنىڭ جالپى سانىنىڭ كەمىندە 2/3 قاتىسقاندا زاڭدى دەپ سانالادى. ڭگىمەلەسۋ ۇدەرىسىندە سوت ساراپشىلارىنىڭ كاسىبي دەڭگەيى باعالانادى.
داۋىس بەرۋ ناتيجەلەرى ماجىلىسكە قاتىسقان كوميسسيا مۇشەلەرىنىڭ كوپشىلىك داۋسىمەن انىقتالادى. داۋىستار تەڭ بولعان جاعدايدا كوميسسيا توراعاسى داۋىس بەرگەن شەشىم قابىلدانادى.
15. بىلىكتىلىك ەمتيحانىنىڭ ناتيجەلەرى بويىنشا اتتەستاتتاۋ كوميسسياسى كەلەسى شەشىمدەردىڭ ءبىرىن شىعارادى:
1) بىلىكتىلىك كۋالىگىن سوت ساراپشىلارىنىڭ مەملەكەتتىك تىركەلىمىنە كەيىن ەنگىزەتىن بولىپ بەرۋ;
2) بىلىكتىلىك كۋالىگىن بەرۋدەن باس تارتۋ.
16. بىلىكتىلىك ەمتيحانىنىڭ ناتيجەلەرى وسى نۇسقاۋلىققا 2-قوسىمشاعا سايكەس نىسان بويىنشا حاتتاما تۇرىندە راسىمدەلەدى.
17. بىلىكتىلىك كۋالىگىن بەرۋ نەمەسە بەرۋدەن باس تارتۋ تۋرالى شەشىم مەملەكەتتىك ورگاننىڭ ءبىرىنشى باسشىسىنىڭ بۇيرىعى تۇرىندە ءراسىمدەلەدى.
18. سوت-مەديتسينالىق, سوت-پسيحياتريالىق ءجانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بەرىلەتىن بىلىكتىلىك كۋالىگى وسى ەرەجەگە 3-قوسىمشاعا سايكەس نىسان بويىنشا بەرىلەدى.
19. بىلىكتىلىك كوميسسياسىنىڭ حاتشىسى بىلىكتىلىك كۋالىكتەرىن بەرۋدىڭ تىركەۋ جۋرنالىن جۇرگىزەدى, سونداي-اق بىلىكتىلىك ەمتيحانىنان وتكەن ادامداردى سوت ساراپشىلارىنىڭ ءبىرىڭعاي تىزىلىمىنە ەنگىزۋ ءۇشىن ادىلەت ورگاندارىنا ءتيىستى اقپاراتتى جىبەرەدى.
20. بىلىكتىلىك ەمتيحانىنان وتپەگەن مامان بىلىكتىلىك ەمتيحانىن ماماندىعى بويىنشا كەمىندە 108 ساعات بىلىكتىلىكتى ارتتىرۋ كۋرسىنان وتكەن جاعدايدا, التى ايدان كەيىن قايتادان وتە الادى.
4. قورىتىندى ەرەجەلەر
21. بىلىكتىلىك كۋالىگىن جوعالعان نەمەسە ب ۇلىنگەن جاعدايلاردا ۇمىتكەردىڭ ءوتىنىشى جانە قۇجاتتارى نەگىزىندە مەملەكەتتىك ورگان بىلىكتىلىك كۋالىگىنىڭ كوشىرمە نۇسقاسىن بەرەدى.
22. مەملەكەتتىك ورگاننىڭ سوت ساراپشىلارىنا سوت-مەديتسينالىق, سوت-پسيحياتريالىق ءجانە سوت-ناركولوگيالىق ساراپتامانىڭ بەلگىلى ءبىر ءتۇرىن جۇرگىزۋ قۇقىعىن بەرۋدەن باس تارتۋ تۋرالى شەشىمىنە مەملەكەتتىك ورگانعا نەمەسە قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپپەن سوتقا شاعىمدانۋعا بولادى.
سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىكتى بەرۋ نۇسقاۋلىعىنا 1-قوسىمشا
نىسانى
مەملەكەتتىك ورگاننىڭ توراعاسىنا
_______________________________
_______________________________
(مەملەكەتتىك ورگان)
_______________________________
(تەگى, اتى, اكەسىنىڭ اتى)
ءوتىنىش
سىزدەن ________________________________
_____________________________ماماندىعى
بويىنشا مەنى سوت ساراپتاماسىنىڭ ءوندىرۋ قۇقىعىنا بىلىكتىلىك ەمتيحانىنا جىبەرۋىڭىزدى سۇرايمىن.
ماماندىعىم بويىنشا جۇمىس ءوتىلىم ______
______________________________________
_____________________
(تولتىرىلعان كۇنى)
_____________________
(ۇمىتكەردىڭ قولى)
سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىكتى بەرۋ نۇسقاۋلىعىنا 2-قوسىمشا
نىسانى
بىلىكتىلىك كوميسسياسى وتىرىسىنىڭ
20__ جىلعى «____»______________
№ ______ حاتتاماسى
1. تەگى, اتى, اكەسىنىڭ اتى
______________________________________2. ماماندىعى ____________________________
3. تەستىلەۋ ناتيجەلەرى ___________________
4. اڭگىمەلەسۋ ناتيجەلەرى: _________
سۇراقتار ______________________________
______________________________________
جاۋاپتارى ____________________________
5. بىلىكتىلىك كوميسسياسى مۇشەلەرىنىڭ «قوسىلامىن» ______,
«قارسىمىن» _____ داۋىس بەرۋ ناتيجەلەرى شەشىمىن قابىلداۋ
6. بىلىكتىلىك كوميسسياسىنىڭ شەشىمى
______________________________________
______________________________________
______________________________________
قولدارى:
كوميسسيا توراعاسى:___________________
كوميسسيا مۇشەلەرى: ____________________
كوميسسيا حاتشىسى: ____________________
سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىكتى بەرۋ نۇسقاۋلىعىنا 3-قوسىمشا
نىسانى
سوت ساراپتاماسىن ءوندىرۋ قۇقىعىنا
بەرىلەتىن بىلىكتىلىك كۋالىگى
وسى كۋالىك _____________________________
_________________________________________________________________________
(تەگى, اتى, اكەسىنىڭ اتى)
_______________________________بەرىلدى.
وعان___________________ماماندىعى
بويىنشا سوت ساراپتاماسىن ءوندىرۋ قۇقىعىنا بىلىكتىلىك بەرىلدى.
بىلىكتىلىك كۋالىگىن بەرۋ تۋرالى شەشىم شىعارعان مەملەكەتتىك ورگان
باسشىسىنىڭ 20___جىلعى «____» №_____بۇيرىعى
تىركەۋ №_____
بەرىلگەن كۇنى 20___جىلعى «___» _________
بىلىكتىلىك كۋالىگىن بەرۋ تۋرالى شەشىم شىعارعان مەملەكەتتىك ورگان باسشىسىنىڭ قولى ______________________( _________________)
ت. ا. ءا.
م.و. بەرىلگەن ورنى _____________
بۇيرىق قازاقستان رەسپۋبليكاسىنىڭ ءادىلەت مينيسترلىگىندە 2010 جىلعى 22 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6648 بولىپ ەنگىزىلدى.