2010 جىلعى 29 قاراشا استانا قالاسى
«اەروناۆيگاتسيانىڭ رەتتەلىپ كورسەتىلەتىن قىزمەتتەرىن كورسەتەتىن تابيعي مونوپوليالار سۋبەكتىلەرىنىڭ قولدانىسقا ەنگىزىلگەن اكتيۆتەرىنىڭ رەتتەلەتىن بازاسىنا پايدا ستاۆكاسىن ەسەپتەۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ 2005 جىلعى 4 قاراشاداعى №306-نق بۇيرىعىنا وزگەرىس ەنگىزۋ تۋرالى
«تابيعي مونوپوليالار جانە رەتتەلەتىن نارىقتار تۋرالى» قازاقستان رەسپۋبليكاسى زاڭىنىڭ 13-بابى 1-تارماعىنىڭ 3) تارماقشاسىنا سايكەس بۇيىرامىن:
1. «اەروناۆيگاتسيانىڭ رەتتەلىپ كورسەتىلەتىن قىزمەتتەرىن كورسەتەتىن تابيعي مونوپوليالار سۋبەكتىلەرىنىڭ قولدانىسقا ەنگىزىلگەن اكتيۆتەرىنىڭ رەتتەلەتىن بازاسىنا پايدا ستاۆكاسىن ەسەپتەۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ 2005 جىلعى 4 قاراشاداعى №306-نق بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 3962, «رەسمي گازەتى» گازەتىندە 2006 جىلعى 1 قاڭتارداعى № 1 (263) جاريالانعان) مىناداي وزگەرىس ەنگىزىلسىن:
كورسەتىلگەن بۇيرىقپەن بەكىتىلگەن اەروناۆيگاتسيانىڭ رەتتەلىپ كورسەتىلەتىن قىزمەتتەرىن كورسەتەتىن تابيعي مونوپوليالار سۋبەكتىلەرىنىڭ قولدانىسقا ەنگىزىلگەن اكتيۆتەرىنىڭ رەتتەلەتىن بازاسىنا پايدا ستاۆكاسىن ەسەپتەۋ جونىندەگى نۇسقاۋلىقتا:
6-تارماق مىناداي رەداكتسيادا جازىلسىن:
«6. تاۋەكەلسىز ستاۆكا قازاقستان رەسپۋبليكاسىنىڭ ۇلتتىق بانكى قايتا قارجىلاندىرۋ رەسمي ستاۆكاسىنىڭ دەڭگەيىنە تەڭ قابىلدانادى;».
2. تەمىر جول كولىگى, ازاماتتىق اۆياتسيا جانە پورتتار سالاسىنداعى رەتتەۋ دەپارتامەنتى وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن.
3. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ اكىمشىلىك جۇمىسى دەپارتامەنتى (ر.ە. سۇلەيمەنوۆا) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن:
1) ونى بۇقارالىق اقپارات قۇرالدارىندا زاڭنامادا بەلگىلەنگەن تارتىپپەن جاريالاۋدى قامتاماسىز ەتسىن;
2) ونى قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ جانە «قازاەروناۆيگاتسيا» رەسپۋبليكالىق مەملەكەتتىك كاسىپورنىنىڭ نازارىنا جەتكىزسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ ورىنباسارى ق.م. سماعۇلوۆقا جۇكتەلسىن.
5. وسى قاۋلى العاش رەت رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
توراعا ن. الدابەرگەنوۆ.
كەلىسىلگەن:
قازاقستان رەسپۋبليكاسىنىڭ كولىك جانە كوممۋنيكاتسيا ءمينيسترى
______________________ ءا.قۇسايىنوۆ.
2010 جىلعى 1 جەلتوقسان
بۇيرىق قازاقستان رەسپۋبليكاسىنىڭ ءادىلەت مينيسترلىگىندە 2010 جىلعى 31 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6719 بولىپ ەنگىزىلدى.