2010 جىلعى 26 قاراشا, استانا قالاسى
مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ ەرەجەسىن بەكىتۋ تۋرالى
قازاقستان رەسپۋبليكاسى ورمان كودەكسىنىڭ 99-بابىنا سايكەس, بۇيىرامىن:
1. قوسا بەرىلىپ وتىرعان مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ ەرەجەسى بەكىتىلسىن.
2. «مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ ەرەجەسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى مينيسترلىگى ورمان جانە اڭشىلىق شارۋاشىلىعى كوميتەتى توراعاسى م. ا. 2005 جىلعى 28 اقپانداعى № 46 (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 3487 تىركەلگەن, «زاڭ گازەتىندە» 2005 جىلعى 21 قازاندا № 195-196 (929-930) جاريالانعان) بۇيرىعىنىڭ كۇشى جويىلدى دەپ تانىلسىن.
3. قازاقستان رەسپۋبليكاسى اۋىل شارۋاشىلىعى مينيسترلىگى تابيعات رەسۋرستارىن پايدالانۋ ستراتەگياسى دەپارتامەنتى (ج. ى. وماروۆ) زاڭنامادا بەلگىلەنگەن تارتىپپەن وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن.
4. وسى بۇيرىق ءبىرىنشى رەت رەسمي جاريالانعاننان باستاپ ون كۇنتىزبەلىك كۇن وتكەن سوڭ قولدانىسقا ەنگiزiلەدi.
ءمينيستردىڭ م. ا. ە.امان.
قازاقستان رەسپۋبليكاسى اۋىل شارۋاشىلىعى ءمينيسترى م. ا. 2010 جىلعى 26 قاراشاداعى №731 بۇيرىعىمەن بەكىتىلگەن
مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ ەرەجەسى
1. جالپى ەرەجەلەر
1. وسى قازاقستان رەسپۋبليكاسىنىڭ مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ ەرەجەسى (بۇدان ءارى – ەرەجە) قازاقستان رەسپۋبليكاسى ورمان كودەكسىنىڭ 99-بابىنا ءسايكەس ازىرلەندى جانە قازاقستان رەسپۋبليكاسىنىڭ مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ ءۇشىن پايدالانۋ ءتارتىبىن ايقىندايدى.
2. وسى ەرەجەدە مىناداي ۇعىمدار پايدالانىلادى:
1) گەندىك ورمان رەزەرۆاتى – گەندىك-سەلەكتسيالىق تۇرعىدان العاندا باعالى وسىمدىكتەر ءتۇرى, قوسىمشا تۇرلەرى بار ورمان ۋچاسكەسى;
2) ورمان پايدالانۋ – ورمان رەسۋرستارىن جانە ورماننىڭ پايدالى قاسيەتتەرىن پايدالانۋ ءجونىندە زاڭدىق جانە ەكونوميكالىق تۇرعىدان رەتتەلگەن قىزمەت;
3) ورمان پايدالانۋشى – قازاقستان رەسپۋبليكاسىنىڭ ورمان كودەكسى بەلگىلەگەن ءتارتىپپەن ۋاقىتشا ورمان پايدالانۋ قۇقىعى بەرىلگەن زاڭدى نەمەسە جەكە تۇلعا;
4) ورمان شارۋاشىلىعى سالاسىنداعى ۋاكىلەتتى ورگان – ورمان قورىن كۇزەتۋ, قورعاۋ, پايدالانۋ, ورمانداردى مولىقتىرۋ جانە ورمان ءوسىرۋ سالاسىندا باسقارۋ مەن باقىلاۋ فۋنكتسيالارىن جۇزەگە اسىراتىن مەملەكەتتىك ورگان:
2. مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ ءۇشىن جارامدى القاپتاردى انىقتاۋ
3. مەملەكەتتiك ورمان قورىنىڭ ءشوپ شابۋعا جانە مال جايۋعا بولاتىن ۋچاسكەلەرiن ورمان ورنالاستىرۋ جوبالارىنا نەمەسە ەرەكشە قورعالاتىن تابيعي اۋماقتاردى باسقارۋ جوسپارلارىنا سايكەس مەملەكەتتiك ورمان يەلەنۋشiلەر بەلگiلەيدi.
4. ءشوپ شابۋ ءۇشىن ەڭ الدىمەن وسى ماقساتقا جارامدى مەملەكەتتىك ورمان قورىنىڭ قۇرامىنا ەنەتىن اۋىل شارۋاشىلىق جەرلەرىنىڭ القاپتارى بولىنەدى, سونداي-اق الاڭقايلار جانە ورمانداردى تابيعي جانە جاساندى جولمەن قالپىنا كەلتىرۋ نەمەسە ءشوپ شابۋ باستالعانعا دەيىن ولاردى جاقسارتۋ جونىندە باسقا دا شارالار جۇرگىزۋ كوزدەلمەگەن ورمان كومكەرمەگەن باسقا دا جەرلەر, سونداي-اق قايتا جاڭارتۋعا ارنالماعان قۇندىلىعى از القااعاشتاردىڭ جەكەلەگەن ۋچاسكەلەرى پايدالانىلۋى مۇمكىن.
5. مەملەكەتتىك ورمان قورىنىڭ ۋچاسكەلەرىندە ءشوپ شابۋ مۇمكىن بولاتىن القاپتاردى ورمان ورنالاستىرۋدىڭ جوسپارلاۋ-كارتوگرافيالىق ماتەريالدارىنىڭ, سونداي-اق تۇگەلدەۋ ماتەريالدارىنىڭ جانە ورمانداردىڭ باسقا دا زەرتتەۋلەرىنىڭ نەگىزىندە ورمان يەلەنۋشىلەر جىل سايىن ناقتىلاپ وتىرادى.
3. مەملەكەتتىك ورمان قورى ۋچاسكەلەرىن ءشوپ
شابۋ مەن مال جايۋ ءۇشىن پايدالانۋ ءتارتىبى
6. مال جايۋعا مەملەكەتتىك ورمان قورى ۋچاسكەلەرىندە وسى ەرەجەگە قوسىمشاعا سايكەس مەملەكەتتىك ورمان قورى ۋچاسكەلەرىندە مال جايۋ نورمالارىنا سايكەس رۇقسات ەتىلەدى, بۇل رەتتە مال جايۋ ءۇشىن ۋچاسكەلەردى تاڭداۋ ورمان جايىلىمدىقتارىن ماۋسىمدىق پايدالانۋ مۇمكىندىكتەرى, جايىلىم اينالىمدارى جانە ولارعا جەتكىلىكتى جۇكتەمەنى ەسكەرە وتىرىپ جۇزەگە اسىرىلۋى ءتيىس.
7. جايىلىمدىق اينالىمى جايىلىمدىق جەرلەردى نەعۇرلىم ءتيىمدى پايدالانۋ, ولاردىڭ شىعىمدىلىعىن ارتتىرۋ, توپىراقتىڭ ەروزياعا ۇشىراۋىن تومەندەتۋ نەمەسە ونى بولدىرماۋ ماقساتىندا ەنگىزىلەدى.
جايىلىمدىق اينالىمىنىڭ القابى:
ءوسۋ كەزەڭىنىڭ تابيعي-كليماتتىق جاعدايلارىن;
جايىلىمدىقتاردىڭ بىتىك ءوسۋ, ولارعا مال جايۋ دەڭگەيىن;
ەروزياعا ۇشىراۋ پروتسەستەرىنىڭ ىقتيمال ءمۇمكىندىگى جانە ناقتى بايقالۋى;
جابايى وسەتىن شوپتەردىڭ ەرەكشە قۇندى تۇقىمدارىن جيناۋ مۇمكىندىگى;
«دەمالىس» بەرۋدىڭ قاجەتتىگى, ياعني جىل بويىنا مال جايۋدى, ءشوپ شابۋدى تولىق بولدىرماۋ ەسكەرىلە وتىرىپ, بەلگىلەنەدى.
8. ورماندى دالا مەن شوق اعاشتى ورمانداردىڭ وڭتۇستىك بولىگىندە الاڭداردى ءشوپ شابۋ ءۇشىن جانە ونىڭ ورنىن مال جايۋ ءۇشىن پايدالانباعان ءجون. جايىلىمدىقتاردى پايدالانۋدىڭ نەگىزگى ءتاسىلى ءۇش مارتە جانە ءبىر مارتە مال جايۋدى الماستىرىپ وتىرۋ بولىپ تابىلادى.
9. ورماندى دالانىڭ سولتۇستىك بولىگىندە ءتورت كەزەكتى جايىلىمدىق اينالىم جۇزەگە اسىرىلادى.
10. جارتىلاي شولەيت ايماقتا ەكى تاناپقا ەكى-ءۇش رەت مال جايۋدى جانە ءۇش تاناپقا ءبىر رەت مال جايۋدى الماستىرىپ وتىراتىن بەس كەزەكتى جايىلىمدىق اينالىم جۇزەگە اسىرىلادى.
11. ەروزياعا جول بەرمەۋ نەمەسە ونىڭ ىقتيمال مۇمكىندىگىن تومەندەتۋ ءۇشىن مال جايۋدى جايىلىمدىق اينالىمىنىڭ قابىلدانعان جۇيەسى بويىنشا جۇرگىزۋ قاجەت. ەروزياعا ۇشىرايتىن جايىلىمدىقتاردا مال جايۋ مولشەرىن تومەندەتۋ, ال تىم كۇشتى بايقالعان ەروزيالىق پروتسەستەردە – مۇلدەم مال جايماۋ دۇرىس بولادى.
12. مەملەكەتتىك ورمان قورى ۋچاسكەلەرىندە ءشوپ شابۋعا جانە مال جايۋعا :
1) بيوسفەرالىق جانە سەپورتەر-قورىقتاردى, مەملەكەتتىك تابيعي ورمان ەسكەرتكىشتەرىن قوسا العاندا مەملەكەتتىك تابيعي قورىقتاردىڭ ورماندارىندا, گەندىك رەزەرۆاتتاردى, اسا قۇندى ورمان الاپتارىن قوسا العاندا عىلىمي ماڭىزى بار ورمان ۋچاسكەلەرىندە;
2) مەملەكەتتىك تابيعي قورىقتار قۇرۋعا نە مەملەكەتتىك تابيعي-قورىق قورىنىڭ, ەرەكشە قۇندى تابيعي جانە باسقا دا كەشەندەردىڭ وبەكتىلەرىن ساقتاۋ ءۇشىن قالدىرىلعان مەملەكەتتىك مەملەكەتتىك ورمان قورى ۋچاسكەلەرىندە;
3) ورمان پاركتەرىندە, ورمان جەمىستەرى ەكپەلەرىندە, قالا ورماندارىندا, جاسىل ايماقتاردىڭ ورمان پاركى بولىكتەرىندە, سۋمەن جابدىقتاۋ كوزدەرىن سانيتارلىق قورعاۋ ورماندارىندا جانە كۋرورتتاردىڭ سانيتارلىق قورعاۋ ورماندارىندا, مەملەكەتتىك قورعانىشتىق ورمان جولاقتارىندا, ەروزياعا قارسى جانە سۋبالپىلىك ورمانداردا, اسا قۇندى ورمان القاپتارىندا, وزەندەر, كولدەر, سۋ قويمالارى مەن باسقا دا سۋ وبەكتىلەرىنىڭ جاعالاۋلارىنداعى ورمانداردىڭ تىيىم سالىنعان جولاقتارىندا, ەرەكشە قورعالاتىن ورمان ۋچاسكەلەرىندە;
4) ورمان داقىلدارى مەن فيتو-ورمان مەليوراتيۆتىك ەكپەلەر ۇشارباسىن مال ءبۇلدىرىپ كەتۋ مۇمكىندىگىنە جول بەرمەيتىندەي بيىكتىككە جەتكەنگە دەيىن سولاردىڭ القاپتارىندا, ورمان تۇقىمى جانە ءدارى-دارمەكتىك پلانتاتسيالار مەن ۋچاسكەلەردە, شىرشا-قاراعاي-بالقاراعاي, تال, تەرەك, جاڭعاق جەمىسى جانە جەمىس-جيدەك پلانتاتسيالارىندا, سونداي-اق ورماننىڭ تابيعي جولمەن قالپىنا كەلۋىنە جاردەمدەسۋ جونىندەگى شارالار جۇرگىزىلەتىن ۋچاسكەلەردە;
5) جاس وسكىن مەن وركەن ۇشارباسىن مال ءبۇلدىرىپ كەتۋىنە جول بەرمەيتىندەي بيىكتىككە جەتكەنگە دەيىن ومىرشەڭ وركەنى دامىعان تابيعي جاس وسكىندەر مەن ەكپەلەردە;
6) ورماندى تابيعي جولمەن قالپىنا كەلتىرۋ ەسەبىمەن ورمانداردى قالپىنا كەلتىرۋ ماقساتىندا اعاش كەسۋدى جۇرگىزۋ ءۇشىن بەلگىلەنگەن ەكپەلەردە, سونداي-اق اعاشى كەسىلگەن جەرلەردە جانە تابيعي جولمەن قالپىنا كەلتىرۋگە ارنالعان باسقا دا ورمان كومكەرمەگەن القاپتاردا;
7) جەمىستەردى, جيدەكتەردى, ساڭىراۋقۇلاقتاردى, ءدارى-دارمەكتىك جانە تەحنيكالىق شيكىزاتتاردى كاسىپشىلىك ماقساتتا دايىنداۋ ايماقتارىندا;
8) توپىراعىن سۋ تەز شايىپ جانە جەل ۇشىرىپ كەتەتىن القاپتاردا تىيىم سالىنادى.
13. وسى ەرەجەنىڭ 12-تارماعىنا سايكەس مال جايۋ تىيىم سالىنعان ۋچاسكەلەر تىزبەسىن مەملەكەتتىك ورمان قورى جەرلەرىنىڭ جاي-كۇيىنە قاتىستى بولىپ جاتقان وزگەرىستەردى, سونداي-اق ورماندى قالپىنا كەلتىرۋ جۇمىستارىن جۇرگىزۋ مەن ورمان رەسۋرستارىن دايىنداۋ شارالارىنىڭ جوسپارلارىن ەسكەرە وتىرىپ, مەملەكەتتىك ورمان يەلەنۋشىلەر جىل سايىن ناقتىلاپ وتىرادى.
14. مەملەكەتتىك ورمان قورى ۋچاسكەلەرىندە ەشكىلەردى ارنايى بولىنگەن قورشالعان ۋچاسكەلەردە عانا جايۋعا بولادى.
15. ءشوپ شابۋ مەن مال جايۋ ءۇشىن مەملەكەتتىك ورمان قورى ۋچاسكەلەرىندە ورمان پايدالانۋ قۇقىعى قازاقستان رەسپۋبليكاسى ورمان كودەكسىنىڭ 39-41-باپتارىنا سايكەس بوگەلەدى, شەكتەلەدى نەمەسە توقتاتىلادى.
مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ ەرەجەسىنە قوسىمشا
مەملەكەتتىك ورمان قورى ۋچاسكەلەرىندە مال جايۋ نورمالارى
ر/س
№
تابيعي ايماقتار
ءۇي جانۋارلارىنىڭ
تۇرلەرى
مال جايۋ نورمالارى,
1 باسقا گا
1
جارتىلاي شولەيت
جانە شولەيت
قويلار
ءىرى قارا مال (ىقم)
جىلقى
7,0
7,0
5,0
2
دالالى
قويلار
ىقم
جىلقى
1,5-3,0
1,5-3,0
1,0-2,25
3
تاۋلى
قويلار
ىقم
جىلقى
0,75-1,5
0,75-1,5
1,0
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 20 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6693 بولىپ ەنگىزىلدى.