— 2017 جىلعى 3 اقپاننان باستاپ اقتاۋ حالىقارالىق اۋەجايى «اقتاۋ — قىزىلوردا — اقتاۋ» جاڭا باعىتى بويىنشا جۇمىس ىستەۋدى باستايدى, دەپ حابارلايدى 7292info.kz.
جاڭا رەيستى «Bek Air» اۋە كومپانياسى اشۋدا. ونىڭ ۇشاقتارى اپتانىڭ 5 جانە 7 كۇندەرى جولاۋشىلاردى تاسىمالدايتىن بولادى. اۋە كومپانياسى اتالعان باعىتتىڭ ەڭ تومەنگى قۇنى 10 مىڭ 800 تەڭگە ەكەنىن مالىمدەدى.
«بۇل اۋە كومپانياسىنىڭ ءوز باعاسى, مۇندا اۋەجاي الىمى قوسىلماعان جانە تۋريستىك اگەنتتىكتەردەن بيلەت الساڭىز — تاعى دا كوميسسيا تولەۋ قاجەت بولادى», — دەپ اتاپ ءوتتى «اقتاۋ حالىقارالىق اۋەجايى» اق اتقارۋشى ديرەكتورى ەرعازى جولداسوۆ.
سونداي-اق, ونىڭ ايتۋىنشا, بيىل قر اۋماعىندا عانا ەمەس, تمد ەلدەرىنە دە قوسىمشا باعىتتار اشىلادى. ماسەلەن, سانكت-پەتەربۋرگكە دەيىن رەيس اشۋ جوسپاردا بار. 12 جەلتوقساندا اشىلعان شىمكەنتكە دەيىنگى باعىتتىڭ جيىلىگى ارتادى. ەندى اپتاسىنا ەكى رەت ەمەس, ءۇش رەيس جاسالاتىن بولادى.