ەكى جىلعا سوزىلعان م ۇلىكتى جاريا ەتۋ ناۋقانىنا 1 920 اتىراۋلىق قاتىستى, دەپ حابارلايدى قازاقپارات.
وبلىستىق مەملەكەتتىك كىرىستەر دەپارتامەنتىنىڭ باسشىسى باتىربەك يۋسۋپوۆتىڭ ايتۋىنشا, ەلىمىزدەن تىس جەردە 130 ءوتىنىش قاناعاتتاندىرىلىپ, 1 ملرد-تان استام تەڭگەنىڭ مۇلكى جاريالانعان. ونىڭ 922 ملن تەڭگەسى تۇرعىن ۇيلەرگە تيەسىلى. ول تۇرعىن ۇيلەر تۇركيا, رەسەي ەلدەرىندە جانە بىرىككەن اراب امىرلىكتەرىندە ورنالاسقان. ال جاريالانعان اقشالاي قاراجاتتىڭ كولەمى 35 ملرد تەڭگەدەن اسادى. ونىڭ 3 ملرد تەڭگەسى شەتەلدىك بانكتەردەگى ەسەپشوتتاردا ساقتاۋلى.