كەنتاۋ قالاسىنا بارعان ءىسساپار سوڭىندا ج.تۇيمەباەۆتىڭ توراعالىعىمەن كەنتاۋ قالاسىنىڭ الەۋمەتتىك ەكونوميكالىق دامۋ جاعدايى بويىنشا ءماجىلىس ءوتتى. وزەكتى مالەلەلەر تالقىلانعان جيىندا شاھار باسشىسى ءا.ماقۇلباەۆ پەن ونىڭ ورىنباسارلارىنىڭ ەسەپ بەردى, دەپ حابارلايدى وقو اكىمدىگىنىڭ ءباسپاسوز قىزمەتى.
وبلىس اكىمى شاhارداعى نىسانداردى ارالاۋ بارىسىندا كوپتەگەن پروبلەمالاردىڭ بار ەكەندىگىنە كوز جەتكىزگەندىگىن ايتىپ, كاسىپكەرلىككە قولداۋ كورسەتۋ باعىتىنداعى بىرقاتار ينديكاتورلىق كورسەتكىشتەر ورىندالماي وتىرعاندىعىن العا تارتتى.
«بىلتىر جوسپارلانعان, جالپى سوماسى 900 ملن. تەڭگەنى قۇرايتىن 3 جوبانىڭ بىردە بىرەۋى يندۋستريالاندىرۋ كارتاسىنا ەنگىزىلمەگەن. «بيزنەستىڭ جول كارتاسى - 2020» باعدارلاماسى بويىنشا قارجىلاندىرىلۋىن ۇيىمداستىرۋ جوسپارلانعان 18 جوبانىڭ 12-ءى بويىنشا ماسەلە شەشىلمەگەن. بۇل باعىتتاعى جۇمىستار ءتيىستى دەڭگەيدە جۇرگىزىلمەي وتىر», - دەدى جانسەيىت قانسەيىت ۇلى.
ءوندىرىسى دامىعان قالادا 2015 جىلمەن سالىستىرعاندا بىلتىر نەگىزگى كاپيتالعا باعىتتالعان ينۆەستيتسيا كولەمى 6,9 ملرد. تەڭگەدەن 5,8 ملرد. تەڭگەگە كەمىگەن. بۇل باعىتتاعى جۇمىستاردى جەتىلدىرۋ كەرەكتىگى ايتىلدى. جۇمىسپەن قامتۋ, دەنساۋلىق ساقتاۋ سالالارىنداعى جۇمىستاردى جۇيەلەپ, جەتىلدىرۋ جۇكتەلدى. قالا تازالىعىنا باسا ءمان بەرۋ, كوپقاباتتى ۇيلەردىڭ اۋلالارىن, كىرەبەرىستەرىن جانە ينفراقۇرىلىمىن رەتتەۋ كەزەك كۇتتىرمەيتىن ماسەلەلەر ەكەنى ايتىلدى. تۇرالاپ قالعان كەن ءوندىرۋ ءوندىرىسىن قايتا جانداندىرۋ مۇمكىندىگىن قاراستىرىپ, كەنشىلەردى جۇمىسپەن قامتۋ جانە كاسىپكەرلىكتى دامىتۋ مىندەتتەلدى.