قاراعاندى قالاسىنىڭ اكىمى نۇرلان اۋباكىروۆ تۇرعىندار الدىندا ونلاين رەجيمدە ەسەپ بەرمەك. بۇل تۋرالى ekaraganda.kz پورتالى حابارلادى.
قالا اكىمى الدىن الا قويىلعان سۇراقتاردىڭ بارلىعىنا جاۋاپ بەرمەك. ول ءۇشىن +7 778 623 81 76 نومىرىنە «WhatsApp» ارقىلى ماتىندىك حابارلاما جىبەرۋگە بولادى. حابارلاماعا فوتوسۋرەت پەن بەينەجازبا دا تىركەپ جىبەرۋگە رۇقسات. ال اۋديوجازبا رەتىندە جىبەرىلگەن حابارلامالار قاراستىرىلمايدى.
سونداي-اق, قالا تۇرعىندارى ەسكەرتۋلەر مەن ۇسىنىستارىن قالالىق اكىمدىكتىڭ, جاڭا مايقۇدىق مادەنيەت سارايىنىڭ, «مولودەجنىي» كەنشىلەر سارايىنىڭ, تەمىرجولشىلار مادەنيەت سارايىنىڭ جانە حالىققا قىزمەت كورسەتۋ ورتالىقتارىنىڭ ءبىرىنشى قاباتىنا ورناتىلعان ارنايى جاشىكتەرگە دە سالا الادى.
قراعاندى اكىمى نۇرلان ەرىكباي ۇلى قالا تۇرعىندارىنىڭ سۇراقتارىنا 14 اقپان كۇنى جاۋاپ بەرەدى. تىكەلەي كورسەتىلىم قالا اكىمدىگىنىڭ رەسمي ينتەرنەت سايتىندا وتكىزىلەدى.