استانانىڭ تۋريستىك سيمۆولى بويىنشا كونتسەپتۋالدىق, ديزاينەرلىك شەشىمدەردى تابۋ ماقساتىندا ۇزدىك نوباي-جوباسىنا بايقاۋ جاريالاندى, دەپ حابارلايدى ەلوردا اكىمدىگىنىڭ رەسمي سايتى.
بايقاۋ 2017 جىلدىڭ 25 قاڭتارىنا دەيىن جالعاسادى. بايقاۋدى ۇيىمداستىرۋشى – «استانا قالاسىنىڭ ساۋلەت جانە قالا قۇرىلىسى باسقارماسى» مم. بايقاۋعا نيەت تانىتقان كەز كەلگەن ادام قاتىسا الادى.
سيمۆول, بەلگى (برەند) قالانىڭ مارتەبەسىن, ونىڭ تۋريستىك تارتىمدىلىعىن, كورىكتى جەرلەرىن, لاندشافتىنىڭ ەرەكشەلىكتەرىن جانە تاريحىن جەتكىزۋگە ءتيىس. سيمۆول جارقىن, ىقشام جانە زاماناۋي بولۋى كەرەك. ءتۇس گامماسى قازاقتاردىڭ دەكوراتيۆتى ونەرىنىڭ ءتۇس جانە كومپوزيتسيالىق داستۇرلەرىن كورسەتۋى شارت. تۋريستىك بەلگىدە قالانىڭ رۋحىن, ونىڭ ءمانىن جەتكىزەتىن تۇپنۇسقا سەمانتيكالىق شەشىمدەردى, گرافيكالىق ەلەمەنتتەردى, ايرىقشا ۇرانداردى قولدانۋعا بولادى. تۋريستىك سيمۆول ديزاين مەن گرافيكالىق ونەردىڭ زاماناۋي, الەمدىك ۇدەرىستەرىندە ورىندالۋى ءتيىس.
بايقاۋ ماتەريالدارىن 010000, استانا قالاسى, بەيبىتشىلىك كوشەسى, 11, 535 كابينەت مەكەنجايى بويىنشا, 2017 جىلدىڭ 25 قاڭتارى ساعات 18:00 –دەن كەشىكتىرمەي تاپسىرۋ قاجەت. بايقاۋدىڭ ەرەجەسىمەن مىنا سىلتەمە ارقىلى تانىسۋعا بولادى.