اقش پرەزيدەنتىنىڭ اكىمشىلىگى اليۋميني سالاسىن سۋبسيديالاعانى ءۇشىن قىتايدىڭ ۇستىنەن دۇنيەجۇزىلىك ساۋدا ۇيىمىنا شاعىم ءتۇسىردى, دەپ جازادى The Wall Street Journal-عا سىلتەمە جاساپ abctv.kz.
اقپاراتقا سۇيەنسەك, ۆاشينگتون قىتايدى اليۋميني ءوندىرۋشى ءىرى كاسىپورىندارعا مەملەكەتتىك بانكتەر ارقىلى ادەيى تومەندەتىلگەن پايىزدىق مولشەرلەمەمەن ۇلكەن كولەمدە نەسيە بەردى, سونداي-اق ولارعا كومىر جانە تومەندەتىلگەن باعامەن ەلەكتر ەنەرگياسىن جەتكىزدى دەپ ايىپتاماقشى.
دەگەنمەن اقش-تىڭ سايلانعان پرەزيدەنتى ترامپ سارسەنبى كۇنى وتكەن ءباسپاسوز جيىنىندا بەيجىڭمەن ساۋدا قاتىناسى اكىمشىلىك ءۇشىن باسىم ماسەلەلەردىڭ ءبىرى ەكەنىن تىلگە تيەك ەتكەن. دونالد ترامپتىڭ ايتۋىنشا, اقش پەن قحر اراسىنداعى ساۋدا تەڭسىزدىگى ايتارلىقتاي كورىنەدى.