استاناعا 2017 جىلى وڭىرلەردەن 158 064 توننا ازىق-ت ۇلىك جەتكىزۋ جوسپارلانعان, دەپ حابارلادى قالا اكىمدىگىنىڭ رەسمي سايتى.
«ەكسپو كورمەسى قارساڭىندا قالا اكىمدىگى وزگە ايماقتارمەن جەتكىزىلەتىن ونىمدەردىڭ كولەمى بويىنشا كەلىسىمگە كەلدى. وبلىستاردىڭ مالىمەتىنشە, قالاعا 158 064 توننا ازىق-ت ۇلىك جەتكىزىلمەك. ول كولىكتەردى قابىلداۋ ءۇشىن ەكى ارنايى الاڭ بەلگىلەندى», - دەلىنگەن حابارلامادا.
«قازىرگى كەزدە كورمەنى وتكىزۋ كەزىندە لوگيستيكانى ۇيىمداستىرۋ ماسەلەسى پىسىقتالىپ جاتىر. تاۋاردىڭ بەلگىلى ءبىر قورى, ساقتاۋ ماسەلەسى دە قارالۋدا», - دەدى قالا اكىمى. مۇنىمەن قوسا, استانادا جۇمىس ىستەپ تۇرعان قۋاتتىلىعى 8 000 توننالىق كوكونىس ساقتاۋ ورنى بازاسىندا, «التاي» كلو جانە Continental Logistics جشس-دا مەملەكەتتىك-جەكە مەنشىك ارىپتەستىك اياسىندا «استانا» اكك» ۇك» اق قاتىسۋىمەن 3 كوتەرمە-تاراتۋ ورتالىعى قۇرىلادى. بۇل الەۋمەتتىك ماڭىزى بار تاۋارلار باعاسىن رەتتەۋگە, تاۋارلاردىڭ ساپاسىن باقىلاۋعا, جەتكىزىلىمدەردى ەسەپكە الۋعا, كەپىلدى ساتىپ الۋعا مۇمكىندىك بەرەدى.
بۇگىندە ونى «الاي» كوپفۋنكتسيونالدى كولىكتىك-لوگيستيكالىق كەشەنى ( اشىق ساۋدا الاڭدارى - 25 مىڭ شارشى مەتر, جۇك كولىكتەرىنەن ساۋدا جاساۋعا ارنالعان اسفالت توسەلگەن الاڭ - 30 مىڭ شارشى مەتر) بازاسىندا قۇرۋ بويىنشا جوبالىق-سمەتالىق قۇجاتتار ازىرلەنۋدە.
«قالانىڭ جەتكىزىلەتىن تاۋارلارعا تاۋەلدى ەكەنىن ەسكەرسەك, ينفراقۇرىلىمدى دامىتۋ جانە ازىق-ت ۇلىك ونىمدەرىن ساقتاۋ مەن شىعارۋ ماسەلەسىنە كوڭىل ءبولۋ كەرەك»- دەدى يسەكەشەۆ.
بۇدان باسقا, استانادا قۋاتتىلىعى جىلىنا 1 800 مىڭ توننانى قۇرايتىن 1 جىلىجاي جۇمىس ىستەيدى. قۋاتتىلىعى 4850 توننا بولاتىن تاعى 2 جىلىجاي سالىنۋدا. قۋاتتىلىعى جىىلىنا 7000 توننانى قۇرايتىن تاعى 3 نىسان جوبالانۋ ۇستىندە. سونداي-اق جالپى ساقتاۋ كولەمى 42,8 توننالىق 8 كوكونىس ساقتاۋ ورنى بار, جالپى ساقتاۋ كولەمى 34,5 مىڭ توننانى قۇرايتىن 9 نىسان جوبالانىپ جاتىر.