ادامدى ۇجىم تاربيەلەيدى

مەن سىزدەردىڭ باسىلىمدارىڭىزدىڭ تۇراقتى وقىر­مان­دارىنىڭ ءبىرىمىن. ءوزىمنىڭ ماماندىعىم مۇعالىم بول­عاندىقتان, گازەت بەتتەرىندەگى جاڭالىقتاردان حا­باردار بولىپ وتىرامىن. مۇعالىمدەرگە ارنالعان «ءتالىم» بەتى مەنى دە قىزىقتىردى. قازاق حالقىنىڭ تۇڭ­عىش عالىمى شوقان ءۋاليحانوۆ «ادامعا ناننان كەيىنگى كەرەگى – مەكتەپ», دەگەن بولاتىن. ال, مەكتەپتىڭ ءتى­رەگى دە, سوعىپ تۇرعان جۇرەگى دە – ۇستاز. ۇستازدىق قىز­مەت ەتىپ جۇرگەنىمە جيىرما جىلدىڭ ءجۇزى بولدى. قو­عامىمىز تەز قارقىنمەن دامىپ وتىرعان كەزەڭدە, ءبىل­ىم سالاسىنىڭ قىزمەتكەرلەرىنە تۇسەر سالماقتىڭ جەڭىل بولماسى انىق. جاڭارتىلعان ءبىلىم بەرۋ باعدارلاماسى – قازىرگى زامان تالابى. ەلباسىمىزدىڭ كورەگەن سايا­ساتىنىڭ ارقاسىندا ەلى­­مىز ءوسىپ, وركەندەۋدە. مەك­تەبىمىز بالا سانى از, اۋىلدى جەردەگى شاعىن مەكتەپ. اۋىلىمىزدا ءتۇر­­لى ۇلت وكىل­دەرى تۇرادى. مەك­­تە­بىمىز ارا­لاس مەكتەپ بول­­عان­دىق­تان, مەملەكەتتىك ءتىل­دىڭ ءمار­تە­بەسىن كوتەرۋگە, انا ءتى­لى­مىز­دىڭ قادىر-قاسيەتىن ارتتى­رۋعا ەرەكشە ءمان بەرە­مىز. شالعاي اۋىلدا تۇرساق تا, مارتەبەمىز قالادان كەم ەمەس. ەلباسىنىڭ «100 ناق­تى قادام» ۇلت جوسپارى ار­قا­سىندا جاڭا مەكتەپكە دە قول جەتكىزدىك. اۋىل بالا­لا­رى قازىرگى زامانعا ساي جاب­دىقتالعان ءزاۋلىم دە كەڭ عي­ماراتتا ءبىلىم الۋ­دا. جاڭا مەكتەبىمىزدە وقۋ­شى­­لاردىڭ جاقسى ءبىلىم الۋ­ى­نا بارلىق جاعداي جا­سال­عان. كەڭ اۋماقتى سپورت زالى, اكت زالى, اسحاناسى, كى­تاپ­حاناسى, ەكى كومپيۋتەر كا­بينەتى, ينتەر­اك­تيۆتى تاقتا, لينگا­فون, مۋل­تيمەديا كا­­بينەتى, ءپان كابينەتتەرى كوز­دىڭ جاۋىن الارداي جاب­دىق­تالعان. ينتەرنەت جە­لىسى دە قوسىلعان. وسى ءمۇم­كىن­دىكتەردى دۇرىس پاي­دا­لا­نا ءبىلۋ ۇستازدار قاۋ­ى­مىن­ىڭ يگى ماقساتتارىنىڭ ءبىرى. مەكتەبىمىزدە ات­قا­رى­لىپ جات­قان ءىس-شا­را­لار ونىڭ ايقىن دالەلى.ۇجى­مى­مىزدا تاجىريبەلى, تە­رەڭ ءبىلىمدى, ۇنەمى ىزدە­نىس ءۇستى­ندە جۇرەتىن, شى­عار­ما­شى­لىقپەن جۇمىس ءىس­تەيتىن الدىڭعى قاتارلى ۇس­ت­ازدار از ەمەس. ءبىزدىڭ مەكتەبىمىزدە ءتار­بيە مەن ءبىلىم قاتار ءجۇ­رە­دى. ايتۋلى مەرەكەلەردە اشىق تاربيە ساعات­تارى, سىنىپتان تىس ءىس-شارالار, سىنىپتار اراسىندا ءتۇرلى سايىستار, اشىق ەسىك كۇن­دەرى, قايىرىمدىلىق شارالارى وتكىزىلىپ جاتادى. جىل سايىن مەكتەبىمىزگە كەلگەن جاس­ ماماندارعا ۇجىمىمىز ءوز ءىس-تاجىريبەلەرىن ءبولىسىپ, كا­سىبي شەبەرلىككە شىڭداپ, ەڭ­بەك ەتۋگە بەيىمدەپ وتىرادى. ن.ا.وستروۆسكي ايتقانداي, «ۇجىم ارقاشان ادامدى­ كوتەرىپ, ونى اياعىنان تىك تۇر­عى­زادى». گۇلدانا كوشەكەەۆا, ءال-فارابي اتىنداعى جالپى ورتا مەكتەبى وڭتۇستىك قازاقستان وبلىسى, ماقتارال اۋدانى