الماتىعا ۇلكەن سپورت دوداسىنىڭ جاقىنداپ كەلە جاتقانى انىق سەزىلە باستادى. قالا قوناقتارى مەن تۇرعىندارىن ۋنيۆەرسيادا اياسىندا ۇتىمدى ۇسىنىستار مەن اۋقىمدى وقيعالار كۇتىپ تۇرعانى بايقالادى.
وڭتۇستىك شاھارعا ۋنيۆەرسيادا ويىندارىن تاماشالاۋعا كەلگەندەر الماتىداعى جاپپاي ساتىلىمدار مەن جەڭىلدىكتەر ماۋسىمىنىڭ ۇستىنەن تۇسپەك.
سونىمەن, ۋنيۆەرسيادا قارساڭىندا باستالاتىن Almaty Sales Festival اياسىندا الماتىداعى ءىرى دۇكەندەردىڭ بارلىعى تاۋارلارىن ايتارلىقتاي ارزانداتادى. جەڭىلدىكتەر ماۋسىمى الداعى 20 قاڭتاردان 10 اقپانعا دەيىن سوزىلماق. وسىلايشا قالاداعى 126 ساۋدا ويىن-ساۋىق ورتالىعى مەن «street retial» ۇلگىسىندەگى دۇكەندەردە ازىق-ت ۇلىكتىك ەمەس تاۋارلاردىڭ بارلىق ءتۇرىنىڭ باعاسى تۇسەدى.
الماتىلىقتاردى ايتپاعاندا, ىلۋدە ءبىر بولاتىن ۋنيۆەرسيادانى ەلىمىزدىڭ ءار شالعايىنان كەلگەن وتانداستارىمىز دا تاماشالاۋعا, زاماناۋي ۇلگىدەگى سالىنعان سپورتتىق عيماراتتاردى كورۋگە, سپورت دودالارىنا جانكۇيەر بولۋعا قىزىعۋشىلىق تانىتادى دەپ كۇتىلۋدە. جانە بۇعان ۋنيۆەرسيادا جارىستارىنا قاتىساتىن 58 مەملەكەتتىڭ 2 مىڭنان استام سپورتشىسىن قوسىڭىز.
قازىردىڭ وزىندە الماتىداعى سۋپەرماركەتتەردە ساۋدا قىزىپ تۇر. قالاداعى 120-دان استام ساۋدا ويىن-ساۋىق ورتالىعى مەن 120 ازىق-ت ۇلىك امبەباپ دۇكەنى 19 پايىزدان باستاپ 80 پايىزعا دەيىن تاۋارلارىن ارزانداتتى.
الماتى